অপাৰ জনপ্ৰিয়তা ! পংকজ ত্ৰিপাঠীৰ মাতৃৃ বুলি জানি এটকাও নোলোৱাকৈ চিকিৎসা কৰিলে চিকিৎসকে

আচলতে কিছুমাহৰ পূৰ্বে পংকজ ত্ৰিপাঠী জাকিৰ খানৰ এক অনুষ্ঠানৰ অতিথি হিচাপে গৈছিল। য'ত তেওঁ নিজৰ ব্যক্তিগত জীৱনৰ বহু কথা সকলোৰে লগত শ্বেয়াৰ কৰিছিল। এই সময়ছোৱাত অভিনেতাগৰাকীয়ে মাতৃৰ বিষয়ে এটা উপাখ্যানো কয়। অভিনেতাগৰাকীয়ে কয়, ‘‘এবাৰ মুম্বাইত থাকোঁতে মাৰ অসুস্থতাৰ কথা ফোনত গম পালো, পাটনাৰ এখন চিকিৎসালয়ত ভৰ্তি আছিল তেওঁ। এই কথা শুনি মই বৰ চিন্তিত হৈ পুৱা প্ৰথম বিমানেৰে পাটনা পালোঁগৈ।’’

আগলৈ তেওঁ কয়, ‘‘মই তালৈ যোৱাৰ লগে লগে মই মোৰ মাক লগ পালো। ডাক্তৰে চেকআপ কৰিবলৈ আহিল, তেওঁ মালৈ চাই ক’লে, ‘ঠিক আছে এইগৰাকী ৰোগী’, তাৰ পিছত মোৰ ফালে চাই  থমকি ৰ’ল। ডাক্তৰে ক'লে 'চুলতান', মই ক'লো হয় ছাৰ, তাৰ পিছত তেওঁ ক'লে - আপুনি ইয়াত, মই কলো হয় এইগৰাকী মোৰ মা, তেওঁ ক'লে আপুনি মোক কিয় কোৱা নাই। মই কলো, কি হৈছে, মইটো এপইন্টমেন্ট লৈ আহিছো। আচৰিত হৈ তেওঁ ক’লে, ‘ঠিক আছে, আপুনি বহক ।’’

অভিনেতাজনে ক’লে যে, ‘মোক লগ পোৱাৰ পাছত সেই ডাক্তৰজনে মোৰ মাক অতি যতনেৰে চিকিৎসা কৰিলে। তাৰপিছত মই যাবলৈ লওঁতে মোক আগবঢ়াবলৈ বাহিৰলৈ ওলাই আহিল। ঠিক তেতিয়াই তেওঁৰ সহায়কজন আহি আমাৰ পৰা লোৱা সকলো টকা ঘূৰাই দিলে। দেউতাই এই কথা গম পাই ইমানেই গৌৰৱ অনুভৱ কৰিলে যে ইমান ডাঙৰ ডাক্তৰে টকা ঘূৰাই দিলে বুলি গোটেই গাঁওখনক জনালে ..'

আচলতে কিমান জনপ্ৰিয় হ’লে পাই এই আদৰ ? 

সৰু সৰু অভিনয়ৰে দৰ্শকৰ মন জয় কৰা পংকজ ত্ৰিপাঠী এনে এজন অভিনেতা যাক অতি কম সময়ৰ ভিতৰতে শিশুৰ পৰা বৃদ্ধলৈকে সকলোৱে ভাল পায় ৷ ২০১৭ চনত মুক্তি পোৱা  গুৰগাঁ‌ও নামৰ চলচ্চিত্ৰখনত তেওঁ প্ৰথমবাৰলৈ প্ৰধান চৰিত্ৰত অভিনয় কৰে।

২০১৭ চনত মুক্তিপ্ৰাপ্ত তেওঁ আন এখন ছবি ‘নিউটনে’ অকাডেমী বঁ‌টাৰ শ্ৰেষ্ঠ বিদেশী ভাষাৰ শিতানত ভাৰতৰ হৈ আনুষ্ঠানিক প্ৰৱেশ কৰিবলৈ সক্ষম হৈছিল ৷

২০১৮ চনত মিৰ্জাপুৰ নামৰ এখন ৱেবছিৰিজটো তেওঁ এটি শক্তিশালী চৰিত্ৰত অভিনয় কৰে।