ডিজিটেল ডেস্কঃ আমাৰ মাজৰ বহু মানুহে প্ৰায়ে মূৰৰ বিষ আৰু ভাগৰুৱা হোৱাৰ অভিযোগ কৰে। বহুতে ইয়াৰ কাৰণ বিচাৰি নাপায়। এই দুয়োটা সমস্যাৰ আঁৰত বহু কাৰণ থাকিব পাৰে, কিন্তু কিছুমান লোকে সঠিক খাদ্য গ্ৰহণ নকৰাৰ বাবেই এনে সমস্যা হয়। আমি যি খাই আছো তাৰ পৰা শৰীৰে পুষ্টিকৰ উপাদান লাভ কৰে। মূৰৰ বিষ আৰু ভাগৰুৱা অৱস্থাৰ আঁৰত কোনটো ভিটামিনৰ অভাৱ হ’ব পাৰে জানো আহক।
এই ভিটামিনৰ কিবা অভাৱ হৈছে নেকি?
আমাৰ শৰীৰত যেতিয়া ভিটামিন বি ১২ৰ অভাৱ হয় তেতিয়া আমাৰ মূৰৰ বিষ আৰু ভাগৰ অনুভৱ হয়। এই গুৰুত্বপূৰ্ণ পুষ্টিকৰ পদাৰ্থৰ অভাৱ হ’লে শৰীৰে কেনেধৰণৰ সতৰ্কবাণী দিবলৈ আৰম্ভ কৰে জানো আহক।
ভিটামিন বি ১২ৰ অভাৱৰ লক্ষণ
- সকলো সময়তে ভাগৰুৱা হৈ থকা
- সঘনাই মূৰৰ বিষ হোৱা
- প্ৰস্ৰাৱৰ ৰং শেঁতা হালধীয়া
- ছালৰ ৰং ম্লান
- বদহজমৰ অভিযোগ
- কোনো কামত মনোনিৱেশ কৰিব নোৱাৰা
- হাত-ভৰি জ্বলা-পোৰা হোৱা
- চকুৰ দুৰ্বলতা
- পেশীৰ বিষ
- হতাশা থকা
- শুকান জিভা
ভিটামিন বি ১২ৰ অভাৱৰ পৰা কেনেকৈ মুক্তি পাব?
ভিটামিন বি ১২ৰ অভাৱৰ পৰা হাত সাৰিবলৈ বা আঁতৰাবলৈ এনে খাদ্য সামগ্ৰী দৈনন্দিন খাদ্যত অন্তৰ্ভুক্ত কৰিব লাগে, য’ত এই বিশেষ পুষ্টিকৰ পদাৰ্থ প্ৰচুৰ পৰিমাণে পোৱা যায়। ইয়াৰ উপৰিও আপুনি চিকিৎসকৰ পৰামৰ্শ মতে বজাৰত উপলব্ধ ভিটামিন বি ১২ৰ পৰিপূৰক গ্ৰহণ কৰিব পাৰে।
ভিটামিন বি১২ থকা খাদ্য
-গাখীৰ
-চীজ
-দৈ
-কুকুৰা
-ৰঙা মাংস
-কণী
-মাছ
-ধানজাতীয় শস্য
- ছয়া গাখীৰ
Leave A Comment