• গভীৰ সংকটৰ সময়ত ভাৰতৰ কাষত ঠিয় হ’ল ‘বন্ধু’

    আন্তঃৰাষ্ট্ৰীয়
    গভীৰ সংকটৰ সময়ত ভাৰতৰ কাষত ঠিয় হ’ল ‘বন্ধু’

    ৱাশ্বিংটন : দেশত ক’ভিড সংক্ৰমণৰ হাৰ অধিক দ্ৰুত হৈছে। ক্ৰমাগতভাৱে প্ৰতিদিনে বৃদ্ধি পাই আছে সংক্ৰমণ। শেহতীয়াকৈ দৈনিক ডেৰ লক্ষাধিক আক্ৰান্ত চিনাক্ত হৈছে। অক্সিজেনকে ধৰি জৰুৰী চিকিৎসা সামগ্ৰীৰ অভাৱে পৰিস্থিতি কৰি তুলিছে অধিক শোচনীয়। ইয়াৰ মাজতে ভাৰতক সামান্য সকাহ দি সাহায্যৰ বাবে আগুৱাই আহিছে এখন বন্ধু ৰাষ্ট্ৰ। ভাৰতৰ ক’ৰ’নাবিৰোধী যুঁজত সহযোগ কৰিবলৈ আগবাঢ়ি আহিছে আমেৰিকা।

    আৰু পঢ়িব পাৰিব: কেৱল কৰ’নাই নহয়, শংকা মাতিছে আন এক মাৰাত্মক ভাইৰাছে

    ক’ৰ’নাৰ ভয়ংকৰ আগ্ৰাসন তথা জৰুৰী চিকিৎসা সামগ্ৰীৰ নাটনি হোৱাৰ সময়তে ভাৰতক সহায় কৰিবলৈ আগবাঢ়ি আহিছে আমেৰিকা। মাৰ্কিন ৰাষ্ট্ৰপতি জো বাইডেন আৰু উপ ৰাষ্ট্ৰপতি কমলা হেৰিছে ভাৰতীয় নাগৰিককক সকলো ধৰণৰ সহযোগিতা প্ৰদানৰ নিশ্চয়তা প্ৰদান কৰিছে। অত্যাৱশ্যকীয় জীৱনৰক্ষাকাৰী চিকিৎসা সামগ্ৰী আৰু আহিলা প্ৰদানেৰে সহায় কৰিব দেশখনে। ‘ভাৰতে যিদৰে আমেৰিকাত কোভিডৰ সংক্ৰমণে অনিয়ন্ত্ৰিত ৰূপ লোৱাৰ সময়ত মাৰ্কিন হাস্পতালবোৰক সহায় কৰিছিল ঠিক সেইদৰে প্ৰয়োজনৰ সময়ত ভাৰতক সহায় কৰিবলৈ আমি বদ্ধপৰিকৰ।’ টুইটযোগে এইকথা সদৰি কৰে ৰাষ্ট্ৰপতি বাইডেনে।

    আৰু পঢ়িব পাৰিব: নাতিনীয়েকক যৌন নিৰ্যাতনৰ অপচেষ্টা ! গ্ৰেপ্তাৰ হোৱা নাই অভিযুক্ত

    আনহাতে উপৰাষ্ট্ৰপতি কমলা হেৰিছে টুইটযোগে প্ৰকাশ কৰে যে, ‘আমেৰিকাই ভাৰত চৰকাৰৰ সৈতে ঐক্যবদ্ধভাৱে কোভিড-১৯ৰ সৈতে যুঁজ কৰি আছে। দ্ৰুতভাৱে অতিৰিক্ত সহায় তথা প্ৰয়োজনীয় সামগ্ৰীৰ যোগানেৰে ইয়াক অধিক তৰান্বিত কৰি তোলা হৈছে। আমি যিদৰে সহায, সমৰ্থন আগবঢ়াইছোঁ, ঠিক একেদৰে আমি ভাৰতৰ সাহসী চিকিৎসক-চিকিৎসাকৰ্মীকে ধৰি নাগৰিককসকলৰ কল্যাণৰ বাবে প্ৰাৰ্থনা কৰিছোঁ।’