Sports
Digital Desk: The Board of Control for Cricket in India (BCCI) is likely to introduce variable pay for the players which would allow the board to deduct money based on the players' performances. India's recent
ৱাশ্বিংটন : অৱশেষত পৰাজয় স্বীকাৰ কৰিলে আমেৰিকাৰ ৰাষ্ট্ৰপতি ড’নাল্ড ট্ৰাম্পে। জ’ বাইডেনৰ হাতত নিৰ্বাচনত পৰাজিত হোৱাৰ পাছত বাইডেনৰ পৰাজয়ক অস্বীকাৰ কৰিবলৈ ভালেমান বৃথা চেষ্টা চলোৱাৰ পাছত বৃহস্পতিবাৰে নিজৰ পৰাজয় স্বীকাৰ কৰি লোৱাৰ ইংগিত দিছে ট্ৰাম্পে।
আৰু পঢ়িব পাৰিব : ভাল-খবৰ: ইণ্ডিয়ান পেনোৰামাৰ প্ৰতিযোগিতাত প্ৰৱেশ অসমীয়া ছবি
২০ জানুৱাৰীত স্বেচ্ছাই হোৱাইট হাউছ ত্যাগৰ ইংগিত দি ট্ৰাম্পে লিখিছে, জ’ বাইডেনৰ কাৰ্যকালৰ বাবে ২০ জানুৱাৰীত ক্ষমতাৰ ‘সুশৃংখলিত হস্তান্তৰ’ হ’ব। ট্ৰাম্পৰ সমৰ্থকে মাৰ্কিন সংসদৰ চৌহদত ব্যাপক হিংসাত্মক ঘটনা সংঘটিত কৰাৰ পাছত বিতৰ্কত সাঙোৰ খাই পৰিছিল ট্ৰাম্প। হোৱাইট হাউছৰ পৰা তেওঁক অপসাৰণৰ বিষয়েও চৰ্চা চলিছিল। তাৰ মাজতে মাৰ্কিন কংগ্ৰেছে ডেম’ক্ৰেটিক দলৰ প্ৰাৰ্থী জ’ বাইডেনৰ বিজয়ক আনুষ্ঠানিক স্বীকৃতি প্ৰদান কৰে। তাৰ পাছতে নিজৰ প্ৰতিক্ৰিয়া প্ৰকাশ কৰি পৰাজয় স্বীকাৰৰ ইংগিত দিছে ট্ৰাম্পে।
আৰু পঢ়িব পাৰিব : জ’ বাইডেনৰ বিজয়ত মাৰ্কিন কংগ্ৰেছৰ আনুষ্ঠানিক মোহৰ
তেওঁ লিখিছে, ‘যদিও মই নিৰ্বাচনী ফলাফলক মানি ল’বলৈ সম্পূৰ্ণভাৱে অসন্মত আৰু সত্য মোৰ সপক্ষে তথাপি ২০ জানুৱাৰীত ক্ষমতাৰ সুশৃংখলিত হস্তান্তৰ কৰা হ’ব।’ তেওঁ লগতে লিখিছে, ‘যদিও এই কথাই মহানতম প্ৰথমটো ৰাষ্ট্ৰপতিৰ কাৰ্যকালৰ সমাপ্তি ঘটাব তথাপি আমেৰিকাক আকৌ মহৎ কৰি তুলিবলৈ আমাৰ যুঁজৰ এয়া আৰম্ভণিহে।’ ট্ৰাম্পৰ এই মন্তব্যই ২০২৪চনত পুনৰ তেওঁ ৰাষ্ট্ৰপতি নিৰ্বাচনত অৱতীৰ্ণ হোৱাৰো ইংগিত দিছে।
Leave A Comment