অহা সপ্তাহত আমেৰিকা-ইউক্ৰেইনৰ আলোচনা

ইউক্রেইন আৰু ৰাছিয়াৰ মাজৰ যুদ্ধ অন্ত পেলোৱাৰ উদ্দেশ্যে শান্তি চুক্তিৰ মূল নীতিসমূহৰ বিষয়ে আলোচনা কৰিবলৈ অহা সপ্তাহত ছৌডি আৰবত মিলিত হ'ব আমেৰিকা আৰু ইউক্রেইনৰ বিষয়াসকল। এই সপ্তাহতে আমেৰিকাই ইউক্রেইনক সামৰিক সাহায্য নিদিয়া তথা চোৰাংচোৱাৰ তথ্য যোগান নধৰাৰ কথা ঘোষণা কৰাৰ পাছতে দুয়োখন  দেশৰ মাজৰ আলোচনাত এই অগ্রগতি দেখা গৈছে। 

ট্রাম্পৰ বিশেষ দূত ষ্টীভ উইটকফে এই কথা নিশ্চিত কৰে যে শান্তি চুক্তিৰ মূল নীতি নির্ধাৰণ কৰিবলৈ অহা সপ্তাহত তেওঁ ছৌডি আৰবত ইউক্রেইনৰ বিষয়াৰ সৈতে আলোচনাত বহিব। ইফালে, ইউক্রেইনৰ ৰাষ্ট্ৰপতি জেলেনস্কীয়েও ঘোষণা কৰিছে যে তেওঁ সোমবাৰে এদল বিষয়াৰ সৈতে ছৌডি আৰব ভ্ৰমণ কৰিব আৰু আমেৰিকাৰ বিষয়াৰ  সৈতে আলোচনাত মিলিত হ'ব।  তেওঁ কয়,  'ছৌডি আৰবৰ যুৱৰাজক লগ কৰিবলৈ মই দেশখনলৈ যাম। তাৰ পাছত মোৰ দলটো আমেৰিকাৰ প্ৰতিনিধিৰ সৈতে আলোচনাৰ বাবে ছৌডি আৰবতে থাকিম।

উৎসঃ দৈনিক জনমভূমি