নৱাফ চালাম হ'ব লেবানন চৰকাৰৰ পৰৱৰ্তী মুৰব্বী

আনহাতে, দেশখনৰ ৰাষ্ট্ৰপতি যোছেফ আউনে নাজিৱ মিকাটিৰ ভাৰপ্ৰাপ্ত চৰকাৰৰ পদত্যাগ-পত্ৰ গ্রহণ কৰে। অহা মঙলবাৰে নৱাফ চালামৰ মন্ত্ৰী পৰিষদে ইয়াৰ প্ৰথমখন অধিৱেশন ৰাষ্ট্ৰপতি ভৱনত অনুষ্ঠিত কৰিব। চৰকাৰ গঠনৰ বিষয়ত ঘোষণা কৰাৰ পাছত চালামে কয় যে অনাগত চৰকাৰখনে দেশখনৰ সংস্কাৰৰ দিশত কাম কৰি লেবাননক প্ৰগতিৰ দিশত লৈ যাব। 

ৰাষ্ট্ৰপতি আউনৰ সৈতে একেলগে কাম কৰি এখন নতুন লেবানন গঢ় দিবলৈ তেওঁলোকে এক কর্মসূচী মুকলি কৰিব বুলি চালামে কয়। উল্লেখযোগ্য যে দীর্ঘদিনৰ অচলাৱস্থাৰ অন্ত পেলাই লেবাননত ২ বছৰৰ পাছত এখন পূর্ণ পৰ্যায়ৰ চৰকাৰ গঠন কৰা হ'ব। লেবাননৰ দীৰ্ঘদিনৰ সমস্যাসমূহ সমাধান কৰাত প্রতিশ্রুতিবদ্ধ বুলি চালামে কয় যে ন্যায়িক দিশত সংস্কাৰ, স্থবিৰ হৈ পৰা অৰ্থনীতি তৰান্বিত কৰা আৰু দেশখনত ৰাজনৈতিক আৰু অৰ্থনৈতিক সুৰক্ষা অনাৰ দিশত তেওঁ অগ্রাধিকাৰ দিব। বিগত বৰ্ষৰ নৱেম্বৰত ইজৰাইল আৰু হিজবুল্লাৰ মাজত সম্পাদন হোৱা যুদ্ধ-বিৰতি চুক্তি শেহতীয়া সংঘৰ্ষই ভংগ কৰা বিষয়তো উদ্বেগ প্রকাশ কৰি তেওঁ যুদ্ধ-বিৰতি চুক্তিখন ৰূপায়ণৰ দিশত গুৰুত্ব দিব বুলি কয়।

আনহাতে, লেবাননৰ অঞ্চলসমূহৰ পৰা ইজৰাইলী সেনা প্রত্যাহাৰ কৰাৰ বিষয়তো তেওঁ গুৰুত্ব আৰোপ কৰে। আনহাতে, দেশখনত ইজৰাইলৰ আগ্রাসন হৈয়ে আছে। ছিৰিয়াৰ সৈতে থকা দেশখনৰ পূব সীমান্তৰ সমীপৰ জনটাত ইজৰাইলে ড্র'ন আক্ৰমণ কৰি ছজন লোকক হত্যা কৰিছিল আৰু দুজন আহত হৈছিল।

(উৎসঃ দৈনিক জনমভূমি)