ৰাছিয়ান সেনাক বিষাক্ত সুৰা,ব্ৰেড খুৱাই ইউক্ৰেনৰ নাগৰিকে ল'লে প্ৰতিশোধ! দুজনৰ মৃত্যু

ডিজিটেল ডেস্কঃ ৰাছিয়া-ইউক্ৰেইন যুদ্ধত এতিয়ালৈকে পুটিনৰ সামৰিক বাহিনী যথেষ্ট ক্ষতিৰ সন্মুখীন হৈছে। ইউক্ৰেইনৰ খাৰকিভৰ ওচৰত ৰাছিয়াৰ সৈন্যসকলে বিষাক্ত ব্ৰেড খাই মৃত্যুবৰণ কৰিছে। এই ব্ৰেডবোৰ ইউক্ৰেইনৰ নাগৰিকসকলে সৈনিকসকলক 'উপহাৰ' হিচাপে দিছিল। ইউক্ৰেইনৰ এটা চোৰাংচোৱা সংস্থাই এই দাবী কৰিছে। 

ইউক্ৰেইনৰ মুখ্য চোৰাংচোৱা সঞ্চালকালয়ে শনিবাৰে এটা ফেচবুক পোষ্টত কৈছিল যে তৃতীয় মটৰ ৰাইফল ডিভিজনৰ দুজন সৈনিকে ইউক্ৰেইনৰ নাগৰিকে দিয়া ব্ৰেড খোৱাৰ লগে লগে মৃত্যুবৰণ কৰে। বিষাক্ত খাদ্য গ্ৰহণ কৰাৰ পাছত আন ২৮ জন সৈনিক আইচিইউত আছে আৰু সাধাৰণ লোকৰ দ্বাৰা প্ৰদান কৰা বিষাক্ত সুৰা সেৱন কৰাৰ পিছত শ শ লোক গুৰুতৰভাৱে অসুস্থ হৈ পৰিছে। এক ফেচবুক পোষ্টত সংস্থাটোৱে কয়, "ইউক্ৰেইনৰ নাগৰিকসকলে আক্ৰমণকাৰীসকলক সকলো ধৰণে বিৰোধিতা কৰি আছে। 

উপলব্ধ তথ্য অনুসৰি ইজিয়ামৰ স্থানীয় নাগৰিকসকলে তৃতীয় মটৰ ৰাইফল ডিভিজনৰ ৰাছিয়ান সৈনিকসকলক বিষাক্ত ব্ৰেডেৰে আদৰণি জনাইছিল। ফলস্বৰূপে সেই ব্ৰেড খাই দুজন সৈনিকৰ তৎক্ষণাৎ মৃত্যু হয় আৰু আন ২৮ জনক আইচিইউত ভৰ্তি কৰোৱা হয়। সংস্থাটোৱে কৈছিল যে তৃতীয় মটৰ ৰাইফল ডিভিজনৰ প্ৰায় ৫০০ সৈনিকক নকল সুৰা সেৱন কৰাৰ পিছত চিকিৎসালয়ত ভৰ্তি কৰোৱা হৈছে। ৰাছিয়াৰ সৈন্যসকলক বিষাক্ত পদাৰ্থ প্ৰদান কৰাৰ বাতৰি এনে এটা সময়ত আহিছে যেতিয়া ৰাছিয়াৰ সেনাৰ পশ্চাদপসৰণৰ দাবীৰ পিছত কিয়েভৰ উপকণ্ঠত সাধাৰণ লোকৰ গণ কবৰ আৱিষ্কাৰ কৰা হৈছে। 

ইউক্ৰেইনৰ উপ প্ৰতিৰক্ষা মন্ত্ৰীয়ে দাবী কৰিছে যে ইউক্ৰেনে সমগ্ৰ কিয়েভ অঞ্চল ঘূৰাই লৈছে। ছ'চিয়েল মিডিয়াত এক বিবৃতিত হান্না মালিৰীয়ে কয়, "ইৰপিনে, বুকা, গোষ্টমেল আৰু সমগ্ৰ কিয়েভ আক্ৰমণকাৰীৰ পৰা মুক্ত হৈছে। বুকাৰ মেয়ৰে কৈছিল যে ২৮০ জন লোকক গণ কবৰত সমাধিস্থ কৰা হৈছিল আৰু মৃতদেহবোৰ ৰাস্তাত সিঁচৰতি হৈ আছিল। ইৰপিনত কমেও ২০০ জন লোক নিহত হৈছে। ইউক্ৰেনে কৈছে যে ৰাছিয়াই উত্তৰ অঞ্চলৰ পৰা প্ৰত্যাহাৰ কৰিছে আৰু দেখা গৈছে যে ই দেশখনৰ পূব আৰু দক্ষিণ অঞ্চলত গুৰুত্ব দি আছে।

আৰু পঢ়কঃ পুত্ৰ সন্তানৰ মাতৃ হ'ল ভাৰতী সিং; ডেলিভাৰীৰ আগদিনালৈকে আছিল শ্বুটিঙত ব্যস্ত