ডিজিটেল ডেস্কঃ প্ৰতিখন ঘৰতে টাৱা ব্যৱহাৰ কৰি ৰুটি বনোৱা হয় আৰু কিছুমানে লোহাৰ গ্ৰিডলত ৰুটি বনায়। ৰুটি বনাওঁতে লাহে লাহে তাৱাখন ক’লা হৈ পৰে। ইয়াৰ পিছত ক'লা হোৱা তাৱা ধুবলৈ বহুত কষ্ট কৰিব লাগে, গতিকে আজি আমি আপোনালোকক এনে ধৰণৰ পদ্ধতিৰ কথা ক'ম, যাৰ দ্বাৰা আপুনি সহজে লোহাৰ কেৰাহী, তাৱা বা আন লেতেৰা জ্বলা বাচন-বৰ্তন জিলিকাই তুলিব পাৰিব।
তাৱা জিলিকিবলৈ মাত্ৰ ৩টা বস্তুৰ প্ৰয়োজন
কোনো ধৰণৰ কষ্ট নোহোৱাকৈ ক’লা তাৱাখন পৰিষ্কাৰ কৰিব পাৰিব আৰু তাৱা জিলিকিবালৈ মাত্ৰ তিনিটা বস্তুৰ প্ৰয়োজন হ’ব। তাৱা চাফা কৰিবলৈ এচামুচ নিমখ, দুটা নেমু আৰু পানী লাগে।
ক'লা তাৱা চফা কৰা ঘৰুৱা উপায়
জ্বলি যোৱা তাৱাখন গেছৰ ওপৰত থৈ অলপ পানী দিব। পানী গৰম হ’লে নিমখ দি জুইৰ শিখা কমাই তাৰ পিছত দুটা নেমু চেপি দিব। ইয়াৰ পিছত পোৰা ঠাইখিনি নেমুৰে প্ৰায় ২ৰ পৰা ৩ মিনিট মান ঘঁহিব লাগে। ২-৩ মিনিট মান তাৱাত ঘঁহি থকাৰ পিছত জমা হোৱা মলিখিনি ওলাই আহিব আৰু তাৱা জিলিকিবলৈ আৰম্ভ কৰিব।
ভিনেগাৰ ব্যৱহাৰ কৰিব পাৰি
যদি টাৱা অতি জ্বলি যায়, তেন্তে চাফা কৰাৰ সময়ত ভিনেগাৰো ব্যৱহাৰ কৰিব পাৰে। ইয়াৰ বাবে প্ৰথমে কেৰাহীখন গৰম কৰি তাৰ ওপৰত নেমুৰ ৰস দি ঘঁহিব লাগে। তাৰ ওপৰত অলপ ভিনেগাৰ ঢালি পৰিষ্কাৰ কৰক। ইয়াৰ লগতে অলপ নিমখো দিব পাৰে। এই প্ৰতিকাৰ কৰাৰ পিছত তাৱাটো সম্পূৰ্ণৰূপে জিলিকিবলৈ আৰম্ভ কৰিব। কেৰাহী চাফা কৰাৰ সময়ত মনত ৰাখিব যে এই পদ্ধতিসমূহ গ্ৰহণ কৰাৰ সময়ত কেৰাহী গৰম হ’ব লাগে।
Leave A Comment