এইবাৰ ৰাখীৰ দিনা পৰিছে ভদ্ৰা কাল! শনি দেৱৰ ভগ্নী ভদ্ৰা অতি বিপদজনক; দিয়ে অশুভ ফল

ভদ্ৰা সূৰ্য্য দেৱতা আৰু তেওঁৰ পত্নী ছায়াৰ কন্যা। ইয়াৰ লগতে ভদ্ৰা শনি দেৱতাৰ প্ৰকৃত ভগ্নীও হয়। যিদৰে শনি দেৱৰ স্বভাৱ অতি খঙাল আৰু কঠোৰ ঠিক তেনেকৈ তেওঁৰ ভগ্নী ভদ্ৰাৰো স্বভাৱ অতি কঠোৰ। পৌৰাণিক কাহিনী অনুসৰি ভদ্ৰা অতি কুৎসিত আৰু সৰুৰে পৰা ঋষিৰ যজ্ঞ-বিচাৰত বাধাৰ কাম কৰিবলৈ আৰম্ভ কৰিছিল। 

তেতিয়া সূৰ্য্য দেৱতা চিন্তিত হৈ ব্ৰহ্মাজীৰ পৰা পৰামৰ্শ বিচাৰিছিল। তাৰ পিছত ব্ৰহ্মাজীয়ে ভদ্ৰাৰ অহংকাৰ নিয়ন্ত্ৰণ কৰিবলৈ পঞ্জিকাৰ এক বিশেষ স্থান বিষ্টি কৰণত স্থান দিলে। উল্লেখ্য যে বিষ্টি কৰণত জন্মগ্ৰহণ কৰা এজন ব্যক্তিয়ে অতি সোনকালে ভুল কামত লিপ্ত হ’ব পাৰে। বহু সময়ত অনুচিত কাম কৰাৰ বাবে তেওঁ সন্মান হেৰুৱাব লগীয়া হয়। ব্ৰহ্মাজীয়ে ভদ্ৰাক কৈছিল ''তোমাৰ সময় চলি থকা সময়ত যিয়েই কোনো শুভ কাম কৰে, তেতিয়া সেই কাম অশুভ হৈ পৰিব। তেতিয়াৰ পৰা ভদ্ৰা কালত কোনো ধৰণৰ শুভ কাম কৰা নহয়।

ঘৰত প্ৰৱেশ, নতুন কাম আৰম্ভ, পূজা-বিচাৰ, মুণ্ডন, নানা আচাৰ-অনুষ্ঠান আদিৰ বাহিৰেও ভদ্ৰা কালত ৰাখী বন্ধাতো নিষেধাজ্ঞা আছে। দৰাচলতে ভদ্ৰা কাল চলি থকাৰ সময়তে ৰাৱণৰ ভগ্নীয়ে ৰাৱণক ৰাখী পিন্ধাইছিল আৰু ঠিক এবছৰৰ ভিতৰতে প্ৰভু শ্ৰী ৰামে ৰাৱণক বধ কৰিছিল। সেইবাবেই ভদ্ৰা কাল চলি থকাৰ সময়ত ৰাখী বান্ধিব নালাগে। এইবাৰ অৰ্থাৎ ২০২২ চনৰ ১১ আগষ্টত ৰক্ষাবন্ধনৰ দিনা হ’ব ভদ্ৰা কাল। সেইবাবেই ১২ আগষ্টৰ পুৱা বহুতে পালন কৰিব ৰক্ষাবন্ধন।