ডিজিটেল ডেস্কঃ বহু পৰিয়ালত স্বামী-স্ত্ৰীৰ মাজত কাজিয়া লগাটো এক সাধাৰণ কথা। কিন্তু কথাই প্ৰতি কাজিয়া লাগিলে নিঃসন্দেহে ঘৰৰ পৰিবেশ বিনষ্ট হৈ পৰিব। বহুসময়ত কোনো কাৰণ নোহোৱাকৈয়ে বা সাধাৰণ কথাতে স্বামী-স্ত্ৰীৰ মাজত সমস্যাৰ সৃষ্টি হয়। বিশেষজ্ঞসকলে কৈছে যে ইয়াৰ আঁৰত কিছুমান গোপন কাৰণ থাকে । মূলতঃ, ইয়াৰ কাৰণ হৈছে কামৰ চাপ। বহুসময়ত এনে অত্যাধিক উত্তেজনা-হতাশা আদিৰ বাবেও হ'ব পাৰে। আপুনি এনে পৰিস্থিতি কেনেদৰে মোকাবিলা কৰিব? জানো আহক কেইটামান কিটিপ-
১) একঘেয়ামী ৰুটিনৰ পৰা নিজকে আঁতৰাই আনক । আপোনাৰ জীৱনলৈ মধুৰতা আৰু সক্ৰিয়তা ঘূৰাই আনিবলৈ চেষ্টা কৰক। যদি আপুনি পাৰে, কৰবালৈ ফুৰিবলৈ যাওক।ভ্ৰমণে মন প্ৰফুল্লিত কৰি তোলে। ভ্ৰমণে স্বামী-স্ত্ৰীৰ মাজত বুজা-বুজিৰ মনোভাবো বৃদ্ধি কৰে।
২) যদি কিবা এটা বিষয়ত মতভেদ হয় । এজনে অন্ততঃ চুপ হৈ থাকক। প্ৰয়োজন হ'লে বিতৰ্ক পৰিহাৰ কৰিব।
৩) মুকলিকৈ কথা পাতক, কাণ খোলা ৰাখি শুনক। ঘটনাৰ বিষয়ে আগতীয়াকৈ অনুমান নকৰিব। সহনশীলতাৰে স্বামী-স্ত্ৰীয়ে ইজনে-সিজনৰ কথা শুনিলে বহু সমস্যাৰ সমাধান কৰিব পাৰি।
৪) তৃতীয় ব্যক্তি এজনক আপোনালোকৰ কাজিয়াৰ মাজলৈ আহিবলৈ নিদিব। আপোনাৰ নিজৰ সমস্যা নিজেই সমাধান কৰক।
৫ ) স্বামী-স্ত্ৰীয়ে এনে কাম কৰক যাতে উভয়ে উভয়ৰ কামক ভাল পাবলৈ ধৰে। প্তনীয়ে বেয়া পোৱা কাম পতিয়ে নকৰিলে ঘৰত শান্তি বাহাল থাকিব।
৬) স্বামী-স্ত্ৰী উভয়ে ইজনে সিজনৰ প্ৰতি সন্মান প্ৰদৰ্শন কৰিক। কেতিয়াও স্বামী-স্ত্ৰীয়ে ইজনে সিজনক উপলুঙা কৰা কথা নক'লে শান্তি বাহাল থাকিব।
Leave A Comment