ঘৰৰ কোনদিশত ৰাখিব মানীপ্লেণ্ট? মানি চলক বাস্তুৰ বিশেষ বিধি

বাস্তু শাস্ত্ৰৰ বিধিমতে ঘৰত মানী প্লেণ্ট ৰাখিলে ঘৰলৈ ধন-সম্পদৰ আগমন হয় বুলি বিশ্বাস কৰা হয়। ঘৰৰ উপৰি কাৰ্যালয় বা দোকান-পোহাৰ আদিটো মানী প্লেণ্ট ৰাখিব পাৰে আপুনি। যথাবিধি মানি মানী প্লেণ্ট ৰাখিলে দূৰ হ’ব পাৰে আপোনাৰ বিত্তীয় সংকট! 

কিন্তু বহুসময়ত দেখা যায় যে ঘৰত মানী প্লেণ্ট ৰখাৰ পাছতো দূৰ নহয় আৰ্থিক সমস্যা৷ কিন্তু কিয়?

আপুনি জানেনে যে ঘৰত মানী প্লেণ্ট ৰাখিবলৈ কিছুমান বিশেষ নিয়ম মানি চলাটো অতিকৈ প্ৰয়োজন৷

ঘৰৰ কোন দিশত নাৰাখিব মানী প্লেণ্ট?

আৰ্থিক শ্ৰীবৃদ্ধিৰ বাবে ঘৰৰ সঠিক দিশতহে মানী প্লেণ্ট ৰখাটো নিতান্তই প্ৰয়োজনীয়। মানী প্লেণ্ট ঘৰৰ উত্তৰ-পূব দিশত কেতিয়াও নাৰাখিব। উত্তৰ-পূব দিশত মানী প্লেণ্ট ৰাখিলে ঘৰৰ গৰাকী ঋণগ্ৰস্ত হোৱাৰ সম্ভাৱনা বৃদ্ধি পায়৷ ইয়াৰ উপৰি ঋণাত্মক শক্তি ঘৰত প্ৰৱেশ কৰে বুলি ধাৰণা কৰা হয়। সদায় ঘৰৰ দক্ষিণ-পূব দিশত মানী প্লেণ্ট ৰাখিব লাগে ।

মানী প্লেণ্ট মাটিত নাৰাখিব:

মানী প্লেণ্ট দ্ৰুতগতিত বৃদ্ধি হয়। মানী প্লেণ্টৰ লতা হৈছে প্ৰগতি আৰু শান্তিৰ প্ৰতীক। বাস্তু বিধি অনুসৰি মানী প্লেণ্টৰ লতাই ভূমি স্পৰ্শ কৰিব নালাগে। 

 

মানী প্লেণ্ট শুকাই যোৱাটো দুৰ্ভাগ্যৰ চিন:

বাস্তু শাস্ত্ৰ মতে ঘৰত ৰখা মানী প্লেণ্ট শুকাই যোৱা মানে দুৰ্ভাগ্যৰ পাতনি৷ এনে হ’লে ঘৰৰ আৰ্থিক সমস্যা হয়। সেয়ে মানী প্লেণ্টত নিয়মীয়াকৈ পানী দি থাকিব লাগে। যদি ইয়াৰ পাতবোৰ শুকাবলৈ আৰম্ভ কৰে, সেই অংশবোৰ তৎক্ষণাৎ কাটি দিব লাগে৷

এনে ঠাইত মানী প্লেণ্ট নাৰাখিব:

মানী প্লেণ্ট সদায় ঘৰৰ ভিতৰত ৰাখিব লাগে। বাস্তু বিধি অনুসৰি ঘৰৰ বাহিৰত মানী প্লেণ্ট ৰোপণ কৰিব নালাগে। এনে কৰিলে মানী প্লেণ্ট সোনকালে শুকাই যায় আৰু তেতিয়া মানুহৰ অৰ্থনৈতিক ক্ষতি হয়।

মানী প্লেণ্ট উপহাৰ হিচাপে নিদিব:

বাস্তু শাস্ত্ৰৰ নিয়মমতে মানী প্লেণ্ট কেতিয়াও কাকো উপহাৰ দিব নালাগে। বিশ্বাস অনুসৰি মানী প্লেণ্ট উপহাৰ দিলে শুক্ৰ দেৱ ক্ৰোধিত হয়। শুক্ৰ দেৱক সুখ আৰু শান্তিৰ প্ৰতীক বুলিও গণ্য কৰা হয়। এই কাৰণতে আনক মানী প্লেণ্ট উপহাৰ দিব নালাগে বুলি ধাৰণা কৰা হয়৷