বাস্তুশাস্ত্ৰঃ ঘৰত ৰাখক এযোৰ উটৰ মূৰ্তি! হ’ব ধনৰ আগমন,দূৰ হ’ব সমস্যা

ঘৰত যদি উটৰ প্ৰতিমূৰ্তি থাকে তেন্তে সেয়া শুভ বুলি বিশ্বাস কৰা হয়। ই কৰ্মক্ষেত্ৰত প্ৰগতি আনে আৰু সফলতাৰ পথ মুকলি কৰে। উটে অক্লান্তভাৱে কাম কৰে, গতিকে উটক পৰিশ্ৰমৰ প্ৰতীক বুলি গণ্য কৰা হয়। বাস্তুশাস্ত্ৰই কয় যে ঘৰত এযোৰ উটৰ মূৰ্তি ৰাখিলে কেৰিয়াৰত সফলতা পোৱা যায় আৰু টকাৰ লগত জড়িত সমস্যাবোৰো সমাধান হয়।

দুটা উটৰ মূৰ্তি ড্ৰয়িং ৰূম বা বহা কোঠাত উত্তৰ-পশ্চিম দিশত ৰাখিব লাগে। তেতিয়া উপকাৰী ফল লাভ হ’ব।

বাস্তুশাস্ত্ৰই কৈছে যে ঘৰত উটৰ মূৰ্তি ৰাখিলে ঘৰৰ অৰ্থনৈতিক অৱস্থা স্বাভাৱিক হৈ পৰে। কোনো ধৰণৰ বিত্তীয় সংকটে দেখা নিদিয়ে। উটৰ মূৰ্তি যদি যোৰকৈ ৰখা হয় তেন্তে ই ঘৰলৈ ধন-সম্পত্তি কঢ়িয়াই আনে।

ফেংছুইৰ মতে উটৰ মূৰ্তিয়ে ব্যৱসায় আৰু অৰ্থনৈতিক বাধা আঁতৰাই পেলায়।

কোৱা হয় যে যদি এজন ব্যক্তিয়ে নিজৰ জীৱনত অহৰহ সমস্যাৰ সন্মুখীন হৈ থাকে, তেন্তে তেওঁ ঘৰত বা অফিচত এযোৰ উটৰ মূৰ্তি ৰাখিব লাগে। ইয়াৰ ফলত কেৰিয়াৰৰ সংকট হ্ৰাস পায়।