ৰাষ্ট্ৰীয়
ডিজিটেল ডেস্কঃ পেহেলগাম সন্ত্ৰাসবাদী আক্ৰমণৰ পাছতেই অভিযান আৰম্ভ ভাৰতীয় সেনাৰ। শুকুৰবাৰে জম্মু-কাশ্মীৰৰ বান্দিপোৰাত সেনাই বৃহৎ সফলতা লাভ কৰিছে
ডিজিটেল ডেস্ক: দেশত ভয়াৱহভাৱে বৃদ্ধি পাইছে নিবনুৱা সমস্যা। সংস্থাপনৰ সুযোগো হ্ৰাস পাইছে দ্ৰুতগতিত। শেহতীয়া তথ্য অনুসৰি জুলাই মাহৰ তুলনাত দেশত আগষ্ট মাহত সংস্থাপনৰ সুযোগ হ্ৰাস পাইছে প্ৰায় ১.৫ নিযুত।নিবনুৱাৰ হাৰো বৃদ্ধি পাইছে অতি দ্ৰুতগতিত। চেণ্টাৰ ফৰ মনিটৰিঙ ইণ্ডিয়ান ইক’ন’মি (চি এম আই আই)ৰ তথ্য অনুসৰি জুলাই মাহত নিবনুৱাৰ হাৰ আছিল ৬.৯৬ শতাংশ। আনহাতে আগষ্ট মাহত অতি উদ্বেগজনকভাৱে এই হাৰ বৃদ্ধি পাই হৈছেগৈ ৮.৩২ শতাংশ।
চি এম আই আই ৰ তথ্যই নগৰ আৰু গ্ৰামাঞ্চল উভয়তেই নিবনুৱা সমস্যাই কিভাৱে ভয়াবহ ৰূপ ধাৰণ কৰিছে তাৰেই প্ৰতিফলন ঘটাইছে। সমীক্ষা অনুসৰি ক’ভিড-১৯ মহামাৰী নিয়ন্ত্ৰণলৈ অহাৰ পিছতে সংস্থাপনৰ সন্ধানত দিনে দিনে অধিক সংখ্যক মানুহ উপস্থিত হৈছেগৈ নগৰাঞ্চলত। চি এম আই আই ৰ তথ্য অনুসৰি নগৰ অঞ্চলত জুলাই মাহত নিবনুৱাৰ হাৰ আছিল ৮.৩ শতাংশ। কিন্তু আগষ্ট মাহত এই হাৰ বৃদ্ধি পাই হয়গৈ ৯.৭৮ শতাংশ।দেশত ক’ভিড-১৯ মহামাৰীৰ দ্বিতীয় ঢৌৰ ঠিক পূৰ্বে নগৰীয়া নিবনুৱাৰ হাৰ আছিল ৭.২৭ শতাংশ।
একে সমীক্ষাই গ্ৰামাঞ্চলত নিবনুৱা সমস্যা বৃদ্ধিৰ ভয়াবহ ছৱি এখনো প্ৰকট কৰি তুলিছে। জুলাই মাহত গ্ৰাম্য নিবনুৱাৰ হাৰ আছিল ৬.৩৪ শতাংশ। কিন্তু আগষ্টত এই হাৰ হয়গৈ ৭.৬৪ শতাংশ।
উল্লেখ্য যে দিল্লী, হাৰিয়াণা আৰু ৰাজস্থানকে ধৰি সমগ্ৰ দেশৰ কমেও আঠখন ৰাজ্যত এতিয়াও নিবনুৱাৰ হাৰ দুটা অংকৰ। এইক্ষেত্ৰত হাৰিয়াণা আছে শীৰ্ষস্থানত। ৰাজ্যখনত আগষ্ট মাহত নিবনুৱাৰ হাৰ আছিল ৩৫.৭ শতাংশ। তালিকাৰ দ্বিতীয় স্থানত আছে ৰাজস্থান।ইয়াৰ পিছতেই নাম আহে ঝাৰখণ্ড, বিহাৰ, জম্মু-কাশ্মীৰ আদি ৰাজ্যৰ। দেশৰ ৰাজধানী দিল্লীতো যোৱা মাহত নিবনুৱাৰ হাৰ আছিল ১১.৬ শতাংশ।
এই ভয়াবহ তথ্যই ইতিমধ্যেই চিন্তিত কৰি তুলিছে দেশৰ সচেতন মহলক।নিসন্দেহে এই বৃহৎ সংখ্যক মানুহৰ সংস্থাপনৰ ব্যৱস্থা কৰাটো কেন্দ্ৰ আৰু ৰাজ্য চৰকাৰসমূহৰ বাবে হ’ব এক বৃহৎ প্ৰত্যাহ্বান।
Leave A Comment