আঞ্চলিক
ডিজিটেল ডেস্কঃ অধিবক্তাক হেণ্ডকাফ লগাই বিপদত অসম আৰক্ষী! অধিবক্তা চাবাহ আল জাৰিদক ৫ লাখ টকা ক্ষতিপূৰণ প্ৰদানৰ নিৰ্দেশ অসম আৰক্ষীক।
নতুন দিল্লী : নিজকে গৰ্বিত ‘আন্দোলনজীৱী’ আখ্যা দিছে কংগ্ৰেছ সাংসদ তথা প্ৰাক্তন কেন্দ্ৰীয় বিত্তমন্ত্ৰী পি চিদাম্বৰমে। প্ৰধানমন্ত্ৰী মোদীয়ে ৰাজ্যসভাত প্ৰতিবাদী লোকসকলক কটাক্ষ কৰিবলৈ গৈ এই আন্দোলনজীৱী শব্দটো ব্যৱহাৰ কৰিছিল আৰু সমগ্ৰ দেশকে এই আন্দোলনজীৱীসকলৰ পৰা সাৱধানে থকা প্ৰয়োজন বুলি মন্তব্য কৰিছিল।
আৰু পঢ়িব পাৰিব : যৌন নিৰ্যাতনৰ বলি কিশোৰী : লোকলজ্জাৰ ভয়ত পুতি থ’লে নৱজাতকক
মোদীৰ এই মন্তব্যক ‘অভিধা’ হিচাপে গ্ৰহণ কৰাৰ কথা প্ৰকাশ কৰি মোদীক কটাক্ষ কৰে চিদাম্বৰমে। তেওঁ টুইটাৰত লিখিছে, ‘মই এজন গৰ্বিত আন্দোলনজীৱী। দেশৰ সৰ্বোৎকৃষ্ট আন্দোলনজীৱীগৰাকী আছিল মহাত্মা গান্ধী।’ কেন্দ্ৰীয় বাজেটক লৈ ৰাষ্ট্ৰপতিৰ ভাষণৰ পাছত হোৱা বিতৰ্কৰ প্ৰত্যুত্তৰ দিবলৈ গৈ তিনিখন বিতৰ্কিত কৃষি আইনৰ বিৰুদ্ধে প্ৰতিবাদৰত কৃষকসকলৰ প্ৰসংগ উত্থাপনেৰে মোদীয়ে কৈছিল যে, দেশত এতিয়া নতুন শ্ৰেণীৰ ‘আন্দোলনজীৱী’ এচাম লোকৰ সৃষ্টি হৈছে।
আৰু পঢ়িব পাৰিব : আইএনএছ বিৰাটে পাব নতুন ৰূপ! বিনষ্ট কৰাত বাধা উচ্চতম ন্যায়ালয়ৰ
তেওঁলোকে কেৱল আন্দোলনৰ বাবেই জীয়াই থাকে। তেওঁলোকে নতুন আন্দোলনৰ জন্ম দিয়াৰ বাবে পথ বিচাৰি ফুৰে। দেশে এই আন্দোলনজীৱীসকলৰ পৰা সাৱধানে থকা দৰকাৰ। মোদীৰ এই মন্তব্যক লৈ বিভিন্নজন নেতাই প্ৰতিক্ৰিয়া প্ৰকাশ কৰিছিল আৰু দেশৰ স্বাধীনতা আন্দোলনৰ প্ৰসংগও উত্থাপন কৰিছিল।
Leave A Comment