• মোহময়ী চিত্ৰাংগদা সিঙে ৰাষ্ট্ৰীয় হস্ততাঁত বস্ত্ৰ দিৱসত পৰিধান কৰিলে মেখেলা-চাদৰ

    ৰাষ্ট্ৰীয়

    গুৱাহাটী : আজি দেশ জুৰি উদযাপন হয় ৰাষ্ট্ৰীয় হস্ততাঁত বস্ত্ৰ দিৱস৷ এই দিৱস উপলক্ষে বলীউডৰৰ গ্লেমাৰ গাৰ্ল জনপ্ৰিয় অভিনেত্ৰী চিত্ৰাংগদা সিঙে পৰিধান কৰিলে অসমীয়া মেখেলা চাদৰ। ৰাজ্যৰ আগশাৰীৰ ফেচন ডিজাইনৰ সংযুক্তা দত্তই ডিজাইন কৰা বস্ত্ৰযোৰ পৰিধান কৰি হস্ততাঁত উদ্যোগৰ উত্থান কামনা কৰাৰ লগতে ডিজাইনৰ গৰাকীৰ কৰ্মৰাজিক প্ৰশংসা কৰে অভিনেত্ৰী গৰাকীয়ে।

    ভাৰতত প্ৰতি বছৰে ৭ আগষ্টত ৰাষ্ট্ৰীয় হস্ততাঁত দিৱস পালন কৰা হয়। এই দিনটোত, চৰকাৰ আৰু অন্যান্য সংগঠনে দেশৰ আৰ্থ-সামাজিক বিকাশত তেওঁলোকৰ অপৰিসীম অৱদানৰ বাবে হস্ততাঁত বয়ন সম্প্ৰদায়ক সন্মানিত কৰে। এই দিনটোত ভাৰতৰ গৌৰৱময় হস্ততাঁত ঐতিহ্য সুৰক্ষিত কৰা আৰু জীৱিকা নিশ্চিত কৰাৰ অধিক সুযোগৰ সৈতে শিপিনী আৰু শ্ৰমিকসকলক শক্তিশালী কৰাৰ পুনৰ প্ৰতিশ্ৰুতিও চিহ্নিত কৰা হৈছে। দিনটো উদযাপন কৰিবলৈ, বস্ত্ৰ মন্ত্ৰালয়ে নতুন দিল্লীৰ সন্মিলন কেন্দ্ৰত এক অনুষ্ঠানৰ আয়োজন কৰিব।

    কেন্দ্ৰীয় বস্ত্ৰ মন্ত্ৰনালয়ে ৰাষ্ট্ৰীয় হস্ততাঁত দিৱস টুইট কৰে৷ টুইটত লিখে, বস্ত্ৰ মন্ত্ৰালয়ে আপোনাক সপ্তম ৰাষ্ট্ৰীয় হস্ততাঁত দিৱসৰ ভাৰ্চুৱেল সংস্কৰণ উদযাপন কৰিবলৈ আমন্ত্ৰণ জনাইছে। স্থানীয় শিপিনীসকলক সমৰ্থন কৰক আৰু কমেও এটা হস্ততাঁত সামগ্ৰী ক্ৰয় কৰি আমাৰ হস্ততাঁতৰ শক্তি প্ৰচাৰ কৰক৷ #MyHandloomMyPride'

    Weather Forecast