নতুন দিল্লী : পাঞ্জাবী অভিনেতা তথা সমাজকৰ্মী দীপ সিদ্ধু জড়িত নাছিল ২৬ জানুৱাৰীত দিল্লীত হোৱা হিংসাত্মক ঘটনাত। কৃষক আন্দোলনৰ সময়ত লালকিল্লাত হোৱা হিংসাত জড়িত থকাৰ অভিযোগত দিল্লী আৰক্ষীৰ বিশেষ শাখাৰ হাতত গ্ৰেপ্তাৰ হোৱা অভিনেতাজনৰ অধিবক্তাই এই দাবী কৰিছে। বৃহস্পতিবাৰে দিল্লীৰ এখন আদালতত তেওঁক জামিন আবেদন দাখিলৰ সময়ত এই দাবী কৰে অধিবক্তাজনে।
আৰু পঢ়িব পাৰিব : সকলো ৰে’ল যাত্ৰীয়ে মাস্ক পিন্ধাটো বাধ্যতামূলক৷ নিয়ম উলংঘা কৰিলে বিহা হ’ব জৰিমনা
তেওঁৰ অধিবক্তাই সংবাদ প্ৰতিষ্ঠান এএনআইৰ আগত প্ৰকাশ কৰে যে, দীপ সিদ্ধুৱে কেৱল ছ’চিয়েল মিডিয়াত এটা ভিডিঅ’ পোষ্ট কৰিছিল আৰু তাৰ পাছতে তেওঁৰ নাম গণৰাজ্য দিৱসৰ হিংসাৰ মূল অভিযুক্তৰ ৰূপত সংবাদ মাধ্যমত প্ৰকাশ হয়। অধিবক্তাই লগতে স্পষ্ট কৰি দিয়ে যে, সকলো ভুলেই অপৰাধ নহয়। ন্যায়ালয়ে সিদ্ধুৰ জামিনৰ শুনানি ১২ এপ্ৰিললৈ স্থগিত ৰাখিছে আৰু সিদ্ধুৰ ভাষণৰ প্ৰতিলিপি বিচাৰিছে।
আৰু পঢ়িব পাৰিব : ৰাষ্ট্ৰপতি শাসন? পদত্যাগ কৰিব আন দুগৰাকী মহাৰাষ্ট্ৰৰ মন্ত্ৰীয়ে!
অভিযুক্তজনৰ অধিবক্তাই আৰু প্ৰকাশ কৰে যে, আন্দোলন ঘোষণা কৰিছিল কৃষক সংঘইহে। লালকিল্লালৈ যোৱাৰ বাবে সিদ্ধুৱে কোনো আহ্বান জনোৱা নাছিল বুলিও তেওঁ স্পষ্ট কৰি দিয়ে। ৯ ফেব্ৰুৱাৰীত হিংসাত উদগনি দিয়াৰ গোচৰত দীপ সিদ্ধুক গ্ৰেপ্তাৰ কৰিছিল দিল্লী আৰক্ষীয়ে।
Leave A Comment