ক্ৰীড়া
ডিজিটেল ডেস্কঃ এইবাৰ দেশৰ দ্বিতীয়, তৃতীয় আৰু চতুৰ্থ অসামৰিক সন্মান ক্ৰমে পদ্মবিভূষণ, পদ্মভূষণ আৰু পদ্মশ্ৰী বিজয়ীসকলৰ তালিকাত অন্তৰ্ভু
নতুন দিল্লী : দেশৰ ভিতৰতে পৰিচ্ছন্ন চহৰ হিচাপে পৰিচিত ইন্দোৰ আন এক কৃতিত্বৰ অধিকাৰী হৈছে। পূৰ্বৰ বছৰবোৰৰ দৰেই এইবাৰো মধ্য প্ৰদেশৰ এই চহৰখন চিহ্নিত হয় দেশৰ আটাইতকৈ পৰিষ্কাৰ চহৰ হিচাপে। স্বচ্ছ সৰ্বেক্ষণ ২০২১ৰ অধীনত বুধবাৰে এই স্বীকৃতি দিয়া হয় ইন্দোৰক। আনহাতে, ইন্দোৰে দেশৰ প্ৰথমখন ‘ৱাটাৰ প্লাছ’ মহানগৰ হোৱাৰ স্বীকৃতিও লাভ কৰিছে। কেন্দ্ৰীয় চৰকাৰে স্বচ্ছ সৰ্বেক্ষণ কাৰ্যসূচীৰ আধাৰত এই স্বীকৃতি প্ৰদান কৰে ইন্দোৰত।
‘ৱাটাৰ প্লাছ’ৰ অৰ্থ হৈছে চহৰখনৰ বিভিন্ন স্থানৰ পৰা নিষ্কাশন হোৱা পদূষিত পানী চহৰত মুকলি কৈ এৰি নিদি পৰিশোধনৰ ব্যৱস্থা কৰা৷ এই স্বীকৃতিৰ পাছতে মুখ্যমন্ত্ৰী শিৱৰাজ সিং চৌহানে ইন্দোৰ চহৰক পৰিষ্কাৰ-পৰিচ্ছন্নতাৰ প্ৰতি দৃঢ়তা আৰু নিষ্ঠাৰে সমগ্ৰ দেশৰখনক এক উদাহৰণ হিচাপে দাঙি ধৰাৰ বাবে প্ৰশংসা কৰে। ‘স্বচ্ছ সৰ্বেক্ষণ ২০২১’ৰ অধীনত এছবিএমে স্বীকৃতি দিয়া প্ৰথমখন ‘ৱাটাৰ প্লাছ’ চহৰ চিহ্নিত হোৱাৰ বাবেও ইন্দোৰৰ নাগৰিকসকলক তেওঁ টুইটযোগে অভিনন্দন জনায়। এখন চহৰক নদী আৰু নলাবোৰৰ পৰিষ্কাৰ-পৰিচ্ছন্নতা বজাই ৰখাৰ বাবে এখন ‘ৱাটাৰ প্লাছ’ চহৰৰ প্ৰমাণপত্ৰ প্ৰদান কৰা হয়।
কেন্দ্ৰীয় গৃহ আৰু নগৰ পৰিক্ৰমা মন্ত্ৰালয়ে প্ৰদান কৰা টুলকিট অনুসৰি, ঘৰ, ব্যৱসায় প্ৰতিষ্ঠানৰ পৰা মুকলি হোৱা সকলো বৰ্জ্য পানী পৰিশোধনৰ জৰিয়তে পৰিচ্ছন্ন কৰি তোলাৰ পাছতে মুকলিলৈ এৰি দিয়াৰ নীতি পালন কৰা চহৰক ৱাটাৰ প্লাছ হিচাপে ঘোষণা কৰা হয়। ইন্দোৰ চহৰে এতিয়া অনাময় স্থিতিৰ স্থিৰতাৰ দিশত কাম কৰি আছে, যাতে কোনো পৰীক্ষা নকৰা বৰ্জিত পানী মুকলি পৰিৱেশত নিষ্কাশন কৰা নহয়৷ যাৰ বাবে এই চহৰখনৰ প্ৰশাসনে লোৱা পদক্ষেপক সকলোৱে একেমুখে শলাগিছে৷
Leave A Comment