হেপ্পী বাৰ্থডে’ গুগল: হোমপেজত এটা বিশেষ বাৰ্থডে’ কেক

• Image Credit: Internet

• Sep 27, 2021 | moderator

ডিজিটেল ডেস্ক: ‘‘গুগল হ্যে ত’ মুমকীন হ্যে…”- মুঠতে গুগলে কৰিব নোৱাৰা কাম একো নাই। গোলকীয় বিশ্বখনৰ মানুহৰ এক অবিচ্ছেদ্য অংগ হৈ পৰিছে গুগল। খাদ্য, বস্ত্ৰ, বাসস্থান মানুহৰ যিদৰে মৌলিক প্ৰয়োজন, সেইদৰে গুগলকো বৰ্তমান আমি মৌলিক প্ৰয়োজনীয় উপাদান বুলি ক'লে একো বঢ়াই কোৱা নহ’ব। কিয়নো আমি পুৱাৰপৰা আৰম্ভ কৰি নিশা শোৱালৈকে পদে পদে গুগলত বিছাৰোঁ আমি নজনা কথাবোৰ। আজি গুগলৰ ২৩সংখ্যক জন্মবাৰ্ষিকী।

১৯৯৬ চনতে কেলিফৰ্ণিয়াৰ ‘ষ্টেনফৰ্ড বিশ্ববিদ্যালয়’ৰ গৱেষক ছাত্ৰ লেৰী পেজ আৰু চাৰ্জে ব্ৰিনে প্ৰথমে এটা প্ৰকল্প হিচাপে আৰম্ভ কৰিছিল গুগলক আৰু তাৰ পাছতে প্লেটফৰ্মটোৱে মানুহৰ মাজত জনপ্ৰিয়তা লাভ কৰে। অৱশ্যে গুগলে পূৰ্বৰেপৰাই কোনো বিশেষ দিনত তেওঁলোকৰ জন্মদিন পালন নকৰে। গুগলৰ জন্মৰেপৰা ভিন্ন দিনত তেওঁলোকৰ জন্মদিন উদ্যাপন কৰে, শেহতীয়াকৈ এইবাৰ তেওঁলোকৰ ২৩ বছৰীয়া জন্মদিনটো ২৭ ছেপ্তেম্বৰ অৰ্থাৎ আজি পালন কৰিছে। এই বিশেষ দিনটোত গুগলে তেওঁলোকৰ হোমপেজত সন্নিৱিষ্ট কৰিছে এটা বিশেষ কেক, য’ত দেখিবলৈ পোৱা গৈছে ডুডল আৰ্টত মমবাতি সৈতে লিখা আছে ‘শুভ ২৩সংখ্যক জন্মদিন গুগল’।