Regional
The mortal remains of the former minister will be transported from Guwahati to Rangia, where various political parties and organizations are scheduled<
ডিজিটেল
ডেস্ক : মূল্যবৃদ্ধিৰ প্ৰতিবাদত
সমগ্ৰ দেশজোৰা প্ৰতিবাদ গঢ়ি তুলিব ভাৰতীয় জাতীয় কংগ্ৰেছে। জানিব পৰা মতে অহা ৫
আগষ্ট তাৰিখে এই প্ৰতিবাদ সাব্যস্ত কৰা হ’ব৷ জানিব পৰা মতে ৰাষ্ট্ৰপতি ভৱনৰ পৰা
সংসদ ভৱনলৈকে এক প্ৰতিবাদী কাৰ্যসূচী গঢ়ি তোলাৰ পৰিকল্পনা কৰিছে কংগ্ৰেছ দলে৷
প্ৰতিবাদী কাৰ্যসূচীৰ অংশ হিচাপে প্ৰধানমন্ত্ৰীৰ গৃহ ঘেৰাও কৰাৰো পৰিকল্পনা কৰিছে
কংগ্ৰেছে।
কংগ্ৰেছৰ কাৰ্যকৰী
সমিতিৰ সদস্য সকল আৰু জেষ্ঠ নেততসকলে এই কাৰ্যসূচীত অংশগ্ৰহণ কৰিব৷বিজেপিৰ কাৰ্যকালত
ৰন্ধন গেছ, পেট্ৰ’ল-ডিজেল, এলপিজিকে আদি কৰি আন অত্যাৱশ্যকীয় সামগ্ৰীসমূহৰ বৰ্ধিত
মূল্যই অভিলেখ সৃষ্টি কৰিছে৷ মূল্যবৃদ্ধিৰ এই বোজা মধ্যবিত্ত শ্ৰেণীয়ে কঢ়িয়াব পৰা
নাই আৰু তেওঁলোকৰ জীৱন ধাৰণৰ মানদণ্ডৰ ক্ৰমান্বয়ে অৱনতি ঘটিছে৷ কংগ্ৰেছ নেতা কেচি
ভেনুগোপালে মন্তব্য কৰে যে এই দেশখন গ্ৰামাঞ্চল তথা নগৰাঞ্চল উভয়তে সৃষ্টি হোৱা
সংস্থাপনহীনতাৰ সাক্ষী হৈছে৷আনহাতে নিৱনুৱা সমস্যা সমাধানৰ বাবে চৰকাৰে ঘোষণা কৰা
অগ্নিপথ আঁচনিখন যথেষ্ট বিতৰ্কিত আৰু প্ৰত্যাহ্বানমূলক৷ লগতে এই আঁচনিয়ে দেশৰ
যুৱপ্ৰজন্মৰ স্বপ্ন ভংগ কৰিছে৷’
তথ্য অনুসৰি অহা
সোমবাৰে অৰ্থাৎ ১ আগষ্টত মূল্যবৃদ্ধি সম্পৰ্কে সংসদত আলোচনা কৰা হ’ব৷ কংগ্ৰেছ আৰু
আন বিৰোধী দলসমূহে চৰকাৰক মূল্যবৃদ্ধিৰ বাবে সমালোচনাৰ লক্ষ্য কৰি লৈছে৷ লগতে
বিভিন্ন স্থানত প্ৰতিবাদী কাৰ্যসূচীও ৰূপায়ণ কৰিছে।
Leave A Comment