ছেক্স ৰেকেটত জড়িত জনপ্ৰিয় অভিনেত্ৰী! গ্ৰাহক ৰূপে গৈ আৰক্ষীয়ে ধৰা পেলালে কাণ্ড

ক্ৰাইম ব্ৰাঞ্চৰ দলটোৱে মুম্বাইৰ গোৰেগাঁৱৰ এখন ঠাইৰ পৰা দুগৰাকী মডেলক উদ্ধাৰ কৰি পুনৰ্বাসন কেন্দ্ৰলৈ প্ৰেৰণ কৰিছে। আৰতিয়ে তেওঁলোকক ১৫ হাজাৰকৈ টকা দিয়াৰ প্রতিশ্রুতি দিয়া বুলি আৰক্ষীক জনাইছে মডেলকেইগৰাকীয়ে৷ আৰক্ষীয়ে হোটেলখনলৈ এগৰাকী দামী গ্ৰাহক পঠিয়াইছিল আৰু এইদৰেই ছেক্স ৰেকেট উদঙাই দি অভিযুক্ত আৰতি মিট্টালক গ্ৰেপ্তাৰ কৰে।

এই ৰেকেটৰ তথ্য আৰক্ষী পৰিদৰ্শক মনোজ সুতাৰে লাভ কৰিছিল। ইয়াৰ পিছত তেওঁ এটা দল গঠন কৰি এগৰাকী আৰক্ষীক গ্ৰাহক হিচাপে পঠিয়াই দিয়ে। পৰিকল্পনাৰ অংশ হিচাপে গ্ৰাহকৰূপী আৰক্ষীগৰাকীয়ে আৰতিৰ সৈতে যোগাযোগ কৰি দুগৰাকী ছোৱালীৰ ব্যৱস্থা কৰিবলৈ কয়। এই কামৰ বাবে আৰতি মিট্টালে ৬০ হাজাৰ টকা দাবী কৰিছিল। এনেদৰেই আৰতিৰ কাণ্ড–কাৰাখানা ধৰা পেলাবলৈ সক্ষম হয় মুম্বাই আৰক্ষী।

উল্লেখ্য যে আৰতীয়ে টিভি ধাৰাবাহিক আৰু ৱেব শ্ব’ যেনে ‘না উমৰা কি সীমা হো’, ‘য়েহ হায় চাহাটেইন’, ‘ধৰমপতনী’, ‘সনক: এক জুনুন’ আদিত কাম কৰিছে। তেওঁৰ শেহতীয়া অনুষ্ঠান আছিল ‘অপ্নাপন – বদলাতে ৰিষ্ট’ কা বন্ধন’, য’ত অভিনয় কৰিছিল ৰাজশ্ৰী ঠাকুৰ আৰু চেজান খানে। শেহতীয়াকৈ আৰ মাধৱনৰ সৈতে এখন ছবিৰ শ্বুটিং কৰি থকা বুলি ছ’চিয়েল মিডিয়াত পোষ্ট কৰিছিল আৰতিয়ে। বৰ্তমান আৰতি আৰক্ষীৰ জিম্মাত। এই ৰেকেটৰ লগত জড়িত আন লোককো বিচাৰিবলৈ আৰম্ভ কৰিছে আৰক্ষীয়ে।