' ষড়যন্ত্ৰ ৰচিম বুলিয়েই তেওঁলোকে ইণ্ডিয়া নামটো লৈছে': বিৰোধী মিত্ৰজোঁটক আক্ৰমণ কৰি ক’লে অমিত শ্বাহে

বিহাৰৰ মধুবনীত বিজেপিৰ এক ৰেলীত ভাষণ প্ৰদান কৰি তেওঁ কয়, "ইয়াৰ পূৰ্বে তেওঁলোকে ইউপিএৰ নামত মিত্ৰতা গঠন কৰি ১২ লাখ কোটি টকাৰো অধিক টকাৰ দুৰ্নীতি কৰিছিল। এতিয়া তেওঁলোকে এটা নতুন নামৰ সৈতে দুৰ্নীতি কৰাৰ ষড়যন্ত্ৰ কৰিছে। লালু প্ৰসাদ যাদৱে ৰে’ল মন্ত্ৰী হৈ থাকোতে ডাঙৰ দুৰ্নীতি কৰিছিল। তেওঁলোকে ইউপিএৰ নাম লৈ পুনৰ মানুহৰ মাজলৈ ঘূৰি আহিব নোৱাৰিব বুলি অনুভৱ কৰিছে, সেয়া তেওঁলোকে তেওঁলোকৰ নতুন মিত্ৰজোঁটৰ নাম 'ইণ্ডিয়া' ৰাখিছে। তেওঁলোকৰ মিত্ৰজোঁটৰ নেতাসকলে ৰক্ষা বন্ধন, জন্মাষ্টমীৰ বন্ধ বাতিল কৰে আৰু ৰামচৰিতমানসক অসন্মান কৰে। পৰম্পৰাগত ধৰ্মক ৰোগৰ সৈতে তুলনা কৰা হয়। তেওঁলোকে কেৱল তোষণ আৰু দুৰ্নীতিৰ ৰাজনীতিত লিপ্ত হৈ আছে। "