স্মৃতি ইৰাণীৰ বিৰুদ্ধে আমেঠিৰ পৰা প্ৰতিদ্বন্দ্বিতা কৰিব নেকি ৰাহুল গান্ধীয়ে? অৱশেষত মুখ খুলিলে ৰাহুলে

 সাংবাদিকৰ প্ৰশ্নৰ উত্তৰত ৰাহুলে কয়, "এয়া বিজেপিৰ প্ৰশ্ন। এয়া  ভাল যে আপুনি আৰম্ভণিতে বিজেপিৰ প্ৰশ্নটো লৈ আহিছে। এই সন্দৰ্ভত মোক যি নিৰ্দেশনা দিয়া হয় মই মানি চলিম। "প্ৰাৰ্থিত্বৰ প্ৰতিদ্বন্দিতা কৰাৰ সিদ্ধান্ত কংগ্ৰেছ নিৰ্বাচন  সমিতিৰ  বৈঠকত লোৱা হয় । কংগ্ৰেছৰ প্ৰাক্তন সভাপতিজনে ইংগিত দিছে যে দলটোৱে বিচাৰিলে আমেঠিৰ পৰাও  প্ৰতিদ্বন্দ্বিতা কৰাত তেওঁৰ কোনো আপত্তি নাই। এসময়ৰ  কংগ্ৰেছৰ ৰাণ্টিযুক্ত আসনখন এতিয়া বিপদাশংকাৰ মাজত আছে। এসময়ৰ কংগ্ৰেছৰ  "দুৰ্গ" এতিয়া নিৰাপত্তাহীন। ২০১৯ ৰ লোকসভা নিৰ্বাচনত ৰাহুল গান্ধীয়ে আমেঠিত স্মৃতি ইৰাণীৰ হাতত ৫৫,০০০ ভোটত পৰাজিত হৈছিল।

 অনুমান কৰা হৈছিল যে ৰাহুলে এইবাৰো আমেঠিলৈ উভতি আহিব পাৰে । কিন্তু দলটোৱে এতিয়াও আসনখনৰ বাবে প্ৰাৰ্থী ঘোষণা কৰা নাই। আনহাতে, ৰাহুলে কেৰালাৰ ৱায়ানাডৰ পৰা প্ৰতিদ্বন্দ্বিতা কৰিছে। কিন্তু আমেঠি সমষ্টিত তেওঁৰ নামক লৈ এতিয়াও জল্পনা-কল্পনা চলিয়েই আছে। ২৬ এপ্ৰিলত  ৰাহুলে আমেঠিৰ পৰা মনোনয়ন দাখিল কৰাৰ সম্ভাৱনা আছে বুলি চৰ্চা  চলিছে।অৱশ্যে, কংগ্ৰেছে আনুষ্ঠানিকভাৱে এই অনুমান নিশ্চিত কৰা নাই। ৰাহুলৰ বক্তব্যও ৰহস্যৰ আৱৰণৰ মাজতে আছে।