দেখা পোৱা গ’ল অতিকৈ দুৰ্লভ বগা ৰঙৰ কোব্ৰা! ক’ত?

বগা কোব্ৰাক বৈজ্ঞানিক ভাষাত এলবিনো কোব্ৰা বুলি কোৱা হয়। এনে কব্ৰা দেখা পোৱাটো অতি বিৰল। সাধাৰণতে দেখা নাযায় যদিও প্ৰচণ্ড বৰষুণৰ বাবে ই নিশ্চয় নিজৰ গাঁতৰ পৰা ওলাই আহিছে। এই বগা কোব্ৰা ২০২৩ চনৰ ৩ মে’ত কইম্বাটুৰত দেখা গৈছিল।

পিছত বন্যপ্ৰাণী আৰু প্ৰকৃতি সংৰক্ষণ ন্যাসৰ বিশেষজ্ঞসকলে ইয়াক ধৰি অৰণ্যত এৰি দিয়ে। ইয়াৰ দৈৰ্ঘ্য আছিল প্ৰায় ৫ ফুট। ইয়াক এলবিনো ইণ্ডিয়ান কোব্ৰা বুলি কোৱা হয়। ইয়াক স্পেকটেক্লেড কোব্ৰা বুলিও কোৱা হয়। চাৰিটা ডাঙৰ সাপ প্ৰজাতিৰ ভিতৰত ই অন্যতম। ভাৰতত ইয়াৰ কামোৰৰ বাবেই অধিকাংশ লোকৰ মৃত্যু হয়।

এলবিনোৰ অৰ্থ এটা জিনীয় অৱস্থা, য’ত ছালত মেলানিন উৎপন্ন নহয়। মেলানিনৰ বাবেই আমি বিভিন্ন ৰঙৰ ছাল পাওঁ। যদি মেলানিনৰ জিনটো পিতৃ-মাতৃৰ পৰা সন্তানলৈ সঠিকভাৱে স্থানান্তৰিত নহয়, তেন্তে ৰং বগা হৈ পৰে।