• অন্তঃকন্দলত জৰ্জৰিত ছত্তিশগড় কংগ্ৰেছ চৰকাৰ

    ৰাজনৈতিক

    ৰায়পুৰ : অন্তঃকন্দলত জৰ্জৰিত হৈ পৰিছে ছত্তিশগড় কংগ্ৰেছ চৰকাৰ। শেহতীয়াভাৱে মুখ্যমন্ত্ৰী ভূপেশ বাঘেলাক পদৰ পৰা অপসাৰণ দাবী তীব্ৰতৰ হৈ উঠিছে স্বয়ং মন্ত্ৰীসভাৰ সদস্যৰ পৰাই। ইয়াৰ মাজতে শুকুৰবাৰে ভূপেশ বাঘেলাক সাক্ষাৎ কৰে কংগ্ৰেছৰ যুৱৰাজ ৰাহুল গান্ধীয়ে।

    বাঘেলাৰ প্ৰতিদ্বন্দী টি এছ সিংদেও ‍উপস্থিত থাকে দিল্লীৰ এই বৈঠকত। উল্লেখ্য যে বাঘেল মন্ত্ৰীসভাৰ একাংশ বিসম্বাদী সদস্যই বিছাৰিছে টি এছ সিংদেওক পৰিবৰ্তিত মুখ্যমন্ত্ৰী হিচাপে। ছত্তিশগড়ৰ ৰাজনৈতিক সংঘাটৰ অৱসান ঘটোৱাৰ দায়িত্ব অৰ্পণ কৰিছে জ্যেষ্ঠ নেতা কে চি বেণুগোপালক।

    ৰাহুল গান্ধীৰে হোৱা এই বৈঠকত ‍উপস্থিত থাকে প্ৰিয়ংকা গান্ধীয়ো। বেণুগোপালকো সাক্ষাৎ কৰে বাঘেলে। ২.৫ পদ্ধতি অনুসৰি মুখ্যমন্ত্ৰী সলনিৰ বাবে দাবী উত্থাপন হৈছে ছত্তিশগড় কংগ্ৰেছত।

    Weather Forecast