• জাতীয়তাবাদৰ নামত দালালি ৰণ্টু-শৃংখলৰ!

    ৰাজনৈতিক

    শিৱসাগৰঃ শিৱসাগৰত তুংগত বীৰ লাচিত সেনাৰ সাংগঠনিক যুঁজ! সংবাদমেলত বিস্ফোৰণ ঘটাইছে বীৰ লাচিত সেনাৰ নেতা চিতু বৰুৱাসহ সংগঠনটোৰ শতাধিক সদস্যই। বীৰ লাচিত সেনাৰ কেন্দ্ৰীয় মুখ্য সচিব ৰণ্টু পানীফুকন আৰু শৃংখল চলিহাই জাতীয়তাবাদৰ নামত দালালি কৰাৰ বিস্ফোৰক অভিযোগ উত্থাপন কৰছে। বীৰ লাচিত সেনাক ৰণ্টু-শৃংখলে বিজেপি-আৰ এছ এছৰ বি-টীমলৈ পৰ্যবসিত কৰিছে।

    অসমীয়াৰ প্ৰভূত্ববাদৰ কথা কৈ অসমীয়া যুৱককে ৰামঠগন ৰণ্টু পানীফুকন আৰু শৃংখল চলিহাৰ। চাৰিলেনযুক্ত পথনিৰ্মাণত ব্যৱহৃত কোটিটকীয়া ডাম্পাৰ কেলেংকাৰীৰ সৈতে ৰণ্টু পানীফুকন আৰু শৃংখল চলিহা জড়িত বুলি অভিযোগ উত্থাপন হৈছে। বিহাৰৰ তৌফিক আলমৰ সৈতে মিলি ৰণ্টু পানীফুকন আৰু শৃংখল চলিহাই অসমৰ খিলঞ্জীয়া লোকৰ পৰা কোটি কোটি টকা ডাম্পাৰৰ নামত সংগ্ৰহ কৰি আত্মসাৎ কৰিছে বুলি সাংবাদিকৰ সন্মুখত মন্তব্য আগবঢ়াইছে।

    শিৱসাগৰৰ হোটেল ডিঅ’ভলেণ্টত অনুষ্ঠিত সংবাদমেলত এই বিস্ফোৰণ ঘটাইছে বীৰ লাচিত সেনাৰ শিৱসাগৰ জিলা সমিতিৰ সভাপতি চিতু বৰুৱাই। সংবাদমেলত বীৰ লাচিত সেনাৰ বিভিন্ন আঞ্চলিকৰ ২০০গৰাকী সদস্যই বীৰ লাচিত সেনা ত্যাগ কৰিছে। সংবাদমেলতে ডাম্পাৰ কেলেংকাৰীৰ তথ্য প্ৰমাণসহকাৰে প্ৰদৰ্শন কৰিছে লাচিত সেনাৰ নেতাগৰাকীয়ে। ডাম্পাৰ কেলেংকাৰীত ৰণ্টু পানীফুকন জড়িত থকাৰ বহু কেইটা বিস্ফোৰক অডিঅ’ ক্লীপো প্ৰদান কৰে চিতু বৰুৱাই।

    Weather Forecast