• সীমা সমস্যা সন্দৰ্ভত সদনত মুখ্যমন্ত্ৰীৰ বিবৃতি প্ৰকাশ

    ৰাজনৈতিক
    সীমা সমস্যা সন্দৰ্ভত সদনত মুখ্যমন্ত্ৰীৰ বিবৃতি প্ৰকাশ

    গুৱাহাটী: সীমা সমস্যা সন্দৰ্ভত সদনত শুকুৰবাৰে মুখ্যমন্ত্ৰী ডঃ হিমন্ত বিশ্ব শৰ্মাই এক বিবৃতি প্ৰকাশ কৰে৷ অৰুণাচল আৰু নাগালেণ্ড সন্দৰ্ভত বৰ্তমানেও গোচৰ চলি আছে বুলি অভিহিত কৰে তেওঁ৷ মিজোৰামে সীমান্তৰ বনভূমি নিজৰ বুলি দাবী কৰিছিল৷ অসমৰ সীমান্তত আক্ৰমণ চলাইছিল মিজোৰামে বুলি তথ্য সদৰী কৰে মুখ্যমন্ত্ৰীগৰাকীয়ে৷ লগতে তেওঁ কয়, ‘আমি ২০০ হেক্টৰ ভূমি পুনৰ দখললৈ আনিছিলো’৷

    মিজোৰামে অসমৰ সীমাত ক'ভিড চেণ্টাৰ পাতিছিল৷ অসমৰ মাটিত জুম খেতি কৰাৰ পক্ষত আছিল মিজোৰাম৷ পাহাৰৰ শিখৰৰ পৰা অসম আৰক্ষীলৈ গুলীয়াইছিল বুলিও অভিযোগ কৰি হিমন্তই উল্লেখ কৰে যে, বিগত দুমাহত অসমৰ মাটি দখল কৰিব পৰা নাই মিজোৰামে৷

    লগতে মুখ্যমন্ত্ৰীগৰাকীয়ে কয় যে, অসমে চুবুৰীয়া ৰাজ্যৰ লগত সংঘাত নিবিচাৰে৷ শান্তি-সমৃদ্ধি বজাই ৰখাটো আমাৰ কাম্য বুলিও ভাষণ প্ৰসংগত উল্লেখ কৰে৷