• স্বাধীনতা সংগ্ৰামীক স্মৰণ মোডীৰ: আজি শ্বহীদ ভগত সিঙৰ জন্মজয়ন্তী

    ৰাজনৈতিক

    ডিজিটেল ডেস্কঃ দেশজুৰি পালন কৰা হ'ল স্বাধীনতা সংগ্ৰামী শ্বহীদ ভগত সিঙৰ ১১৪ সংখ্যক জন্ম বাৰ্ষিকী। শ্বহীদ গৰাকীক শ্ৰদ্ধাঞ্জলি জনোৱাৰ লগতে তেওঁৰ সাহস আৰু ত্যাগক স্মৰণ কৰিলে প্ৰধানমন্ত্ৰী মোদীয়ে স্বাধীনতা সংগ্ৰামীগৰাকীৰ জন্ম জয়ন্তী উপলক্ষ্যে প্ৰধানমন্ত্ৰী নৰেন্দ্ৰ মোডীয়ে বিশেষ টুইটযোগে শ্ৰদ্ধাঞ্জলি জনায় ।

    প্ৰধানমন্ত্ৰী গৰাকীৰ মতে সাহসী শ্বহীদ ভগত সিং সকলো ভাৰতীয়ৰ হৃদয়ত আছে ।ওঁৰ সাহস আৰু ত্যাগে অগনন ভাৰতীয়ৰ মনত দেশপ্ৰেম জগাই তোলে । সেয়ে মহান নায়কগৰাকীৰ জন্ম জয়ন্তীত তেওঁক স্মৰণ কৰি শ্ৰদ্ধাঞ্জলি জ্ঞাপন কৰিছে প্ৰধানমন্ত্ৰী নৰেন্দ্ৰ মোডীয়ে । লগতে দেশৰ স্বাধীনতাৰ বাবে তেওঁৰ বলিদানক স্মৰণ কৰে প্ৰধানমন্ত্ৰীগৰাকীয়ে ।

    উল্লেখ্য যে, শ্বহীদ ভগত সিঙৰ জন্ম ১৯০৭ চনত ফৈজালাবাদ জিলাৰ বাঙা গাঁৱত হৈছিল যি বৰ্তমান পাকিস্তানৰ অন্তৰ্গত পঞ্জাৱ প্ৰদেশ । ব্ৰিটিছৰ বিৰুদ্ধে বিপ্লৱী স্বাধীনতা সংগ্ৰামী গৰাকীৰ দুটাকৈ নাটকীয় হিংসাত্মক কাৰ্য আৰু ২৩ বছৰ বয়সত তেওঁৰ মৃত্যুদণ্ডই তেওঁক ভাৰতীয় স্বাধীনতা আন্দোলনৰ লোক নায়ক হিচাপে চিনাকি দিয়ে ।১৯৩১ চনৰ ২৩ মাৰ্চত শিৱৰাম হৰি ৰাজগুৰু আৰু সুখদেৱ থাপাৰৰ সৈতে লাহোৰ কাৰাগাৰত ভগত সিঙক ফাঁচী দিয়া হৈছিল ৷

    Weather Forecast

    ASSAM WEATHER