• ‘কাউৰীৰ বাহত জুই দিলে আক্ৰমণ কৰিবই’: এআইইউডিএফ

    ৰাজনৈতিক

    ডিজিটেল ডেস্ক: ‘কাউৰীৰ বাহত জুই দিলে আক্ৰমণ কৰিবই’- গৰুখুঁটিত উচ্ছেদিতৰ আক্ৰমণত আহত হোৱা আৰক্ষী সন্দৰ্ভত এইদৰে মন্তব্য কৰে এআইইউডিএফৰ নেতৃত্বই৷ উল্লেখ্য যে, ধলপুৰত আৰক্ষী-বেদখলকাৰীৰ মাজত বৃহস্পতিবাৰে সৃষ্টি হৈছিল মুখামুখী সংঘৰ্ষ৷ হাতে হাতে লাঠি জোং লৈ ওলায় আহি হাজাৰ হাজাৰ লোকে আক্ৰমণ কৰিছিল আৰক্ষীক৷ এই ঘটনাৰ পাছতেই দৰং জিলাত সৃষ্টি হয় চেপা উত্তেজনাৰ৷

    তাৰ পাছতেই শাসকগোষ্ঠীৰ ওপৰত তীব্ৰ সমালোচনা কৰে বিৰোধীয়ে৷ এই সন্দৰ্ভত ৰাজভৱনত ৰাজ্যপাল জগদ্বীশ মুখীক সাক্ষাৎ কৰে এআইইউডিএফৰ সজাতি দল এটাই৷ গৰুখুঁটিত উচ্ছেদৰ বিৰোধিতাৰে ৰাজ্যপালক স্মাৰক-পত্ৰ প্ৰদান কৰে দলটোৱে৷ কাৰ্যৰত ন্যায়াধীশৰ জৰিয়তে ঘটনাৰ ন্যায়িক তদন্তৰ দাবী উত্থাপন কৰে৷

    দলটোৰ অভিযোগ অনুসৰি, ঘটনাৰ আঁৰত থকা তৃতীয় পক্ষ ‘চৰকাৰ’ বুলিও অবিহিত কৰে৷ মুছলমানৰ বিৰোধিতাৰ বাবেই চৰকাৰৰ এই উচ্ছেদ অভিযান চলায় বুলিও অভিযোগ কৰে দলটোৱে৷ উচ্ছেদিতক পুনৰ সংস্হাপন আৰু ক্ষতিপূৰণৰ দাবী জনায়৷

    Weather Forecast