• ‘‘কালাপাহাৰ’ৰ জৰিয়তে অসম ধ্বংসৰ ষড়যন্ত্ৰ কৰিছে কংগ্ৰেছে’

    ৰাজনৈতিক

    ধেমাজি : প্ৰধানমন্ত্ৰীৰ পৰা আৰম্ভ কৰি ৰাষ্ট্ৰীয় পৰ্যায়ৰ ষ্টাৰ কেম্পেইনাৰ লক্ষ্যৰ কেন্দ্ৰবিন্দু হৈ পৰিছে জোনাই বিধানসভা সমষ্টি। চিলাপথাৰত আজি উপস্থিত হৈ কেন্দ্ৰীয় গৃহমন্ত্ৰী অমিত শ্বাহে বিজেপি প্ৰাৰ্থী ভূবন পেগুৰ হৈ নিৰ্বাচনী প্ৰচাৰ চলায়৷ ১১৪ নং জোনাই বিধানসভা সমষ্টিৰ প্ৰাৰ্থীগৰাকীৰ হৈ শ্বাহে চিলাপথাৰ ৰেচিডেন্সিয়েল উচ্চতৰ মাধ্যমিক বিদ্যালয়ৰ খেলপথাৰ প্ৰাংগনত অনুষ্ঠিত সভাত প্ৰচাৰ চলায়।

    আৰু পঢ়িব পাৰিব : উন্নয়নৰ খতিয়ানেৰে বিহালীত জে পি নাড্ডাৰ নিৰ্বাচনী প্ৰচাৰ

    সভাত উপস্থিত হৈ শ্বাহে কয়, ‘আমি আপোনালোকৰ পৰা ৫ বছৰ বিচাৰিছিলোঁ৷ আৰু এই ৫বছৰত সৰ্বানন্দ সোণোৱাল নেতৃত্বাধীন চৰকাৰে ৰাজ্যখনক উন্নয়নৰ দিশত আগুৱাই নিবলৈ সক্ষম হৈছে। এইবাৰো অসমত বিজেপি চৰকাৰ গঠন কৰিবলৈ বিজেপি দলক ভোট দিবলৈ আহ্বান জনাইছোঁ।’ নিজৰ ভাষণত তেওঁ বিৰোধী মহাজোঁটক তীব্ৰ সমালোচনা কৰে।

    আৰু পঢ়িব পাৰিব : কাৰাগাৰতে থাকিব অশীতিপৰ ষ্টেন স্বামী, জামিন আৱেদন নাকচ

    মহাজোঁটক অংশীদাৰ এআইইউডিএফ নেতা আজমলক কালাপাহাৰ বুলি কটাক্ষ কৰে শ্বাহে। কংগ্ৰেছ দলে কালাপাহাৰক অসমৰ মুৰব্বী পাতি ৰাজ্যখনক ধ্বংস মুখলৈ ঠেলি দিয়াৰ ষড়যন্ত্ৰ কৰা বুলি তেওঁ অভিযোগ কৰে। শ্বাহৰ সৈতে মুখ্যমন্ত্ৰী সৰ্বানন্দ সোণোৱালো নিৰ্বাচনী প্ৰচাৰ সভাখনত উপস্থিত থাকে ।

    Weather Forecast