এটাৰ পাছত আনটো বেংক ব্যক্তিগতকৰণ কেন্দ্ৰৰ চৰকাৰক শ্বেতপত্ৰ প্ৰকাশৰ দাবী কংগ্ৰেছৰ

বিৰোধী দলে ৰাজহুৱা খণ্ডৰ বেংকসমূহৰ (পিএছবি) ব্যক্তিগতকৰণক লৈ বিজেপিক আক্ৰমণ কৰে ৷ তদুপৰি বিজেপি দলক  "বেচে জাও পাৰ্টি" বুলিও  অভিহিত কৰে৷  তদুপৰি কংগ্ৰেছে অভিযোগ কৰে যে কেন্দ্ৰীয় চৰকাৰে ভাৰতীয় ৰিজাৰ্ভ বেংকক নিজৰ প্ৰতিবেদনৰ ওপৰত "ইউ-টাৰ্ণ" ল’বলৈ বাধ্য কৰিছে।

আৰবিআইৰ গৱেষণা গোটৰ অধ্যয়নৰ তথ্যসমূহে  বেংকৰ ব্যক্তিগতকৰণৰ পৰিণামবোৰ স্পষ্টভাৱে প্ৰকাশ  কৰে৷ কিয়নো ই চৰকাৰী নীতিসমূহ কেনেদৰে ৰাজহুৱা হিতৰ বাবে ব্যৱহাৰ হ'ব লাগিব তাৰ ওপৰত আলোকপাত কৰে। 

লগতে, ইয়াত কোৱা হৈছে যে ব্যক্তিগত বেংকে কাৰ্যকৰী নকৰা প্ৰতি-চক্ৰীয় পদক্ষেপবোৰত ৰাজ্যিক মালিকানাধীন বেংকবোৰে এক গুৰুত্বপূৰ্ণ ভূমিকা পালন কৰিছে৷ 

আৰবিআই বুলেটিনত স্পষ্টকৈ কোৱা হৈছে যে মুঠ শাখা, কৃষিৰ অগ্ৰগতি আৰু অগ্ৰাধিকাৰ খণ্ডৰ ঋণ প্ৰদানৰ দৰে বিত্তীয় অন্তৰ্ভুক্তিৰ পদক্ষেপৰ ক্ষেত্ৰত ৰাজহুৱা বেংকবোৰ ব্যক্তিগত বেংকতকৈ অধিক দক্ষ বুলি প্ৰমাণিত হয়।

আৰ বি আই বুলেটিনৰ আগষ্ট সংখ্যাত প্ৰকাশিত গৱেষণা পত্ৰখনত কোৱা হৈছে যে "চৰকাৰে গ্ৰহণ কৰা ব্যক্তিগতকৰণৰ  দৃষ্টিভংগীয়ে  ক্ৰমান্বয়ে  নিশ্চিত কৰিব পাৰে যে বিত্তীয় অন্তৰ্ভুক্তিৰ সামাজিক উদ্দেশ্য পূৰণ কৰাৰ ক্ষেত্ৰত এক শূন্যতা সৃষ্টি নহয়"।

এই বেংকসমূহৰ ব্যক্তিগতকৰণ এক বৃহৎ পদক্ষেপ৷  এই পদ্ধতিয়ে যথেষ্ট   ক্ষতি কৰিব পাৰে। চৰকাৰে ইতিমধ্যে দুটা বেংকৰ বেচৰকাৰীকৰণৰ অভিপ্ৰায় ঘোষণা কৰিছে। এনে ধৰণৰ  পদক্ষেপে নিশ্চিত কৰিব যে বৃহৎ পৰিমাণৰ ব্যক্তিগতকৰণে বিত্তীয় অন্তৰ্ভুক্তি আৰু মুদ্ৰা পৰিবহনৰ গুৰুত্বপূৰ্ণ সামাজিক উদ্দেশ্যবোৰ পূৰণ কৰাত কোনো শূন্যতা সৃষ্টি নকৰে বুলি অধ্যয়নটোত কোৱা হৈছে৷