ৰুদ্ৰাক্ষৰ পৰা চৰণামৃতলৈকে একাধিক সামগ্ৰীত আৰোপ কৰা আছে GST- অভিযোগ কংগ্ৰেছ নেত্ৰী সুপ্ৰিয়া শ্ৰীনেটৰ

চিবিআইচিয়ে লগতে কয় যে, ২০১৭ চনৰ ১৮-১৯ মে’ত অনুষ্ঠিত জিএছটি পৰিষদৰ চতুৰ্দশ বৈঠকত আৰু ২০১৭ চনৰ ৩ জুনত অনুষ্ঠিত জিএছটি পৰিষদৰ ১৫ সংখ্যক বৈঠকত পূজা সামগ্ৰীৰ ওপৰত জিএছটিৰ বিষয়ে বিতংভাৱে আলোচনা কৰা হৈছিল জি এছ টিৰ বিষয়ে আলোচনা কৰা হয়৷

সেইসময়ত কংগ্ৰেছে গংগা পানীৰ ওপৰত ১৮ শতাংশ কৰ আৰোপ কৰাৰ অভিযোগ সন্দৰ্ভত স্পষ্টীকৰণ দি চিবিআইচিয়ে ১২ অক্টোবৰত স্পষ্টভাৱে কয় যে গংগা পানী আৰু পূজা সামগ্ৰীৰ ওপৰত জিএছটি আৰোপ কৰা নহয়।

কিন্তু এই স্পষ্টীকৰণৰ পাছত পুনৰ আক্ৰমণাত্মক ৰূপত দেখা গৈছে অন্য এগৰাকী কংগ্ৰেছ নেতা সুপ্ৰিয়া শ্ৰীনেট৷শ্ৰীনেটে শেহতীয়াকৈ অভিযোগ কৰিছে যে-"মোদী চৰকাৰে কৈছিল যে পূজাৰ সামগ্ৰীৰ ওপৰত জিএছটি আৰোপ কৰা হোৱা নাই, কিন্তু এইটো সম্পূৰ্ণ মিছা তথ্য।চিবিআইচিৰ যি অফিচয়েল ৱেবছাইট তাত জিএছটি অন্তৰ্ভুক্ত কৰা পূজা সামগ্ৰীসমূহৰ তালিকা উল্লেখ কৰা আছে৷তালিকাখনত- ৰুদ্ৰাক্ষৰ মালা, হাতত বন্ধা সূতা, বিভুতি, যজ্ঞপবীত, কলভা, আনব্ৰেণ্ডেড মৌ, কাঠৰ খাদুন, চৰণামৃত, চন্দন কাঠৰ গুৰি আৰু চাকিৰ শলিতা আদি উল্লেখযোগ্য।"