প্ৰত্যাহ্বান হৈ পৰিছে নেকি মনীষ ছিচ’দিয়া; এইবাৰ গোচৰ ৰুজু কৰিবলৈ সাজু ইডি

কেন্দ্ৰীয় অনুসন্ধান ব্যুৰো (চিবিআই)য়ে দেওবাৰে ছিচ’দিয়াৰ বিৰুদ্ধে এজাহাৰৰ এটা প্ৰতিলিপি আৰু গোচৰটোৰ সৈতে সম্পৰ্কিত অন্যান্য প্ৰাসংগিক নথিপত্ৰ ইডিৰ সৈতে ভাগ-বটোৱাৰা কৰাৰ পাছত এই সম্ভাৱনা প্ৰকট হৈ উঠিছে৷ চিবিআইৰ এজাহাৰত কোৱা হৈছে যে গোচৰটোত অভিযুক্ত মনীষ ছিচ’দিয়া আৰু অন্যান্য ৰাজহুৱা কৰ্মচাৰীসকলে নিবিদাৰ পাছত অনুজ্ঞাপত্ৰধাৰীসকলক অযথা অনুগ্ৰহ আগবঢ়োৱাৰ উদ্দেশ্যৰে সংশ্লিষ্ট কৰ্তৃপক্ষৰ অনুমোদন অবিহনে ২০২১-২২ বৰ্ষৰ আবকাৰী নীতি সম্পৰ্কীয় সিদ্ধান্ত গ্ৰহণ কৰিছিল।

 

এজাহাৰ অনুসৰি, আবকাৰী নীতি প্ৰস্তুত আৰু ৰূপায়ণত অনিয়মৰ সৈতে জড়িত সুৰা ব্যৱসায়ীসকলৰ মাজৰ অন্যতম ‘ইণ্ডোস্পিৰিট’ৰ গৰাকী সমীৰ মহেন্দ্ৰুৰ দ্বাৰা ছিচ’দিয়াৰ ঘনিষ্ঠ সহযোগীসকলক কোটি টকাত কমেও দুটা নিবিদা পৰিশোধ কৰা হৈছিল বুলি অভিযোগ কৰা হৈছে। ইফালে, চিছোদিয়াই কালি এই অভিযোগ অস্বীকাৰ কৰে আৰু কয় যে তেওঁ কেৱল অৰবিন্দ কেজৰিৱালৰ মন্ত্ৰীসভাত পদত অধিষ্ঠিত হোৱাৰ বাবেহে তেওঁক লক্ষ্য কৰি লোৱা হৈছিল।

চিবিআইয়ে দেওবাৰে ছিচ’দিয়া আৰু এজাহাৰত নাম থকা আন ১৩ জনৰ বিৰুদ্ধে লুকআউট চাৰ্কুলাৰ জাৰি কৰিছিল। জাননীখনৰ পাছত ছিচ’দিয়াই প্ৰধানমন্ত্ৰী নৰেন্দ্ৰ মোদীক সমালোচনাৰ লক্ষ্য কৰি লোৱা পৰিলক্ষিত হয়৷