শংকিত বিজেপি! মধ্যপ্ৰদেশৰ ভোটাৰলৈ পত্ৰযোগে বিশেষ আহ্বান মোদীৰ

প্ৰধানমন্ত্ৰী নৰেন্দ্ৰ মোদীয়ে কয় যে মধ্যপ্ৰদেশৰ সৈতে প্ৰধানমন্ত্ৰী মোদীৰ  সদায় বিশেষ সম্পৰ্ক আছিল যাৰ বাবে ইয়াৰ ৰাইজে ২০১৪ আৰু ২০১৯ৰ লোকসভা নিৰ্বাচনত বিজেপিয়ে জয়লাভ কৰিছিল৷প্ৰধানমন্ত্ৰীয়ে লিখিছে-“আগন্তুক বিধানসভা নিৰ্বাচনতো ৰাইজে মোৰ লগতে বিজেপিক পুনৰবাৰ সমৰ্থন আগবঢ়াব বুলি মোৰ সম্পূৰ্ণ বিশ্বাস আছে৷”মধ্যপ্ৰদেশৰ মুখ্যমন্ত্ৰী শিৱৰাজ সিং চৌহানে কৰা কামক প্ৰশংসা কৰি প্ৰধানমন্ত্ৰী মোদীয়ে কয় যে যোৱা ২০ বছৰত ৰাজ্যখনৰ বাবে তেখেতে অক্লান্তভাৱে শ্ৰম কৰি আছে।

তদুপৰি মোদীয়ে বিগত ২০ বছৰত ৰাজ্যত ৫ লাখ কিলোমিটাৰ পথ নিৰ্মাণ, ১৬ শতাংশ হাৰত অৰ্থনৈতিক বিকাশ, ৬৫ লাখ ঘৰলৈ পানী যোগান আৰু ২৮ হাজাৰ মেগাৱাট বিদ্যুৎ উৎপাদন হোৱা বুলি পত্ৰযোগে উল্লেখ কৰিছে।

মধ্যপ্ৰদেশৰ উন্নয়নৰ আৰ্হিটোৱে দৰিদ্ৰৰ কল্যাণ আৰু মহিলা সবলীকৰণৰ বাবে কেনেকৈ কাম কৰিব পাৰি তাৰ প্ৰেৰণা হৈ পৰিছে।বিজেপি চৰকাৰে সমাজৰ সকলো শ্ৰেণীৰ বাবে কাম কৰিছে যাৰ বাবে ১.৩৬ কোটি লোক দৰিদ্ৰতাৰ পৰা ওলাই আহিছে বুলি প্ৰধানমন্ত্ৰীয়ে পত্ৰযোগে উল্লেখ কৰিছে৷