• আজিৰ হাইভল্টেজ মেচত আইপিএলৰ দুই প্ৰতিদ্বন্দী

    আঞ্চলিক

    নতুন দিল্লীঃ চলিত আইপিএলৰ ২৭ সংখ্যক খেলখনত আজি দিল্লীত ডিফেণ্ডিং চেম্পিয়ন মুম্বাই ইণ্ডিয়ানছৰ মুখামুখী হ'ব তিনিবাৰৰ চেম্পিয়ন চেন্নাই ছুপাৰ কিংছ| উল্লেখযোগ্য যে, ধোনীৰ নেতৃত্বত চেন্নাই ছুপাৰ কিংছে তিনিবাৰকৈ আইপিএল ট্ৰফী হাতত তুলি লৈছে| আনহাতে, ৰেহিত শৰ্মাৰ নেতৃত্বত মুম্বাই ইণ্ডিয়ানছে সৰ্বাধিক ৫বাৰ আইপিএলৰ খিতাপ জয় কৰিছে| এনে পৰিপ্ৰেক্ষিতত আজিৰ হাইভল্টেজ খেলখনে আইপিএলৰ আকৰ্ষণ বৃদ্ধি কৰিছে|

    আৰু পঢ়িব পাৰিব : অসমত কংগ্ৰেছেহে গঠন কৰিব চৰকাৰঃ অপূৰ্ব ভট্টাচাৰ্য

    বিগত বৰ্ষত চেন্নাই ছুপাৰ কিংছৰ প্ৰদৰ্শন আশানুৰূপ নাছিল| কিন্তু চলিত আইপিএলত যেন পূৰ্বৰ গতি উভতাই পাইছে দলটোৱে| চলিত আইপিএলত এতিয়ালৈ দলটোৱে ৬ খেলৰ ৫খনত জয়লাভ কৰি +১.৪৭৫নেট ৰানেৰে পইণ্ট তালিকাৰ শীৰ্ষত অৱতীৰ্ণ হৈছে চেন্নাই| ৰয়েল চেলেঞ্জাৰ্ছ বাংগালুৰুৰ বিৰুদ্ধে একপক্ষীয় যুঁজে ধোনীৰ লগতে সতীৰ্থ খেলুৱৈৰো আত্মবিশ্বাস দৃঢ় কৰি তুলিছে| জাদেজাৰ আক্ৰনাত্মক শ্বট, ফাফ ডু প্লেছি আৰু ৰিটুৰাজৰ গায়কবাড়ৰ আকৰ্ষণীয় যুটিয়ে মুম্বাই ইণ্ডিয়ানছৰ বিৰুদ্ধে দলটোক বেটে-বলে কিদৰে প্ৰসাৰতা আনি দিয়ে, এয়াহে হ’ব লক্ষ্যণীয় হ'ব|

    আৰু পঢ়িব পাৰিব : কপিলী নৈত সন্ধানহীন হোৱা দুই কিশোৰৰ মৃতদেহ উদ্ধাৰ

    আনহাতে, মুম্বাই ইণ্ডিয়ানছে ৬খন খেলৰ ৩খনত জয়লাভ কৰি পইণ্ট তালিকাৰ চতুৰ্থ স্থানত অৱতীৰ্ণ হৈছে| এতিয়ালৈ ৩খন খেলত পৰাজয় হ'বলগা হৈছে যদিও পঞ্জাব কিংছৰ বিৰুদ্ধে জয়ী হোৱা ৰোহিত বাহিনীয়ে আত্মবিশ্বাস ঘূৰাই পাইছে| বেটিং-বলিং-ফিল্ডিং গোটেইকেইটা অৰ্ডাৰতে অপৰীসীম ক্ষমতা আছে মুম্বাইৰ| ৰাহুল চাহাৰ, জয়প্ৰীত বুমৰাহ, ট্ৰেণ্ড বোল্ডৰ বলিং পাৰদৰ্শিতাই দিল্লীত ভেটিব পাৰিব নে চেন্নাইক?

    Weather Forecast