• Image Credit: Internet

• Mar 15, 2021 | moderator

কোকৰাঝাৰঃ অসমৰ বিধানসভা নিৰ্বাচনলৈ মাজত মাথোঁ কেইদিনমান বাকী। নিৰ্বাচনৰ আচৰণ বিধি বলবৎ হোৱাৰ লগে লগে সক্ৰিয় হৈ পৰিছে প্ৰশাসন ব্যৱস্থা। ৰাজ্যজুৰি বাট-পথত প্ৰশাসনে চলাইছে তালাচী অভিযান। কোকৰাঝাৰতো জিলা প্ৰশাসনে জব্দ কৰিছে বহু পৰিমাণৰ গাঁজা।

আৰু পঢ়িব পাৰিব : সাৱধান ! তিনিমাহৰ পাছত সৰ্বাধিক লোক ক’ভিড-১৯ আক্ৰান্ত…

এখন ৱেগ’নাৰ বাহনেৰে গুৱাহাটী পৰা কোকৰাঝাৰলৈ আহি থকা সময়তে কাৰিগাঁৱৰ পথত আৰক্ষীয়ে জব্দ কৰিবলৈ সক্ষম হৈছে ৪০ কিলোগ্ৰাম গাঁজা । কাৰিগাঁও উপ-আৰক্ষীৰ অন্তৰ্গত কাৰিগাঁৱৰ পথত আৰক্ষীয়ে নিয়মীয়া তালাচীত গাঁজাসহ তিনিজন ধৃত ব্যৱসায়ীক আটক কৰে।

আৰু পঢ়িব পাৰিব : বিধ্বংসী অগ্নিকাণ্ডত ২০০ৰো অধিক কুকুৰাসহ সম্পত্তি ভস্মীভূত

আটকাধীন গাঁজা সৰবৰাহীকেইজন ক্ৰমে- গুৱাহাটীৰ ৰাহুল আলী, বিহাৰৰ ৰাম কুমাৰ আৰু ধীৰাজ সিং বুলি আমাৰ হাতলৈ তথ্য আহিছে। গুৱাহাটীৰ পৰা কঢ়িয়াই অনা গাঁজাখিনি কোকৰাঝাৰ ৰে’ল ষ্টেচনলৈ আনি বিহাৰলৈ লৈ যোৱাৰ পৰিকল্পনা কৰিছিল সৰবৰাহকাৰীকেইজনে।