Business
Digital Desk : There have been reports that Starbucks is planning to exit the Indian market. Due to high operating costs and low profitability, the brand is facing losses and it may force them to end its joint venture with Tata.
গুৱাহাটী : স্বাস্থ্যমন্ত্ৰী কেশৱ মহন্তই আজি সংবাদমেলযোগে ঘোষণা কৰে নতুন ক'ভিড নিৰ্দেশনা৷ শুকুৰবাৰে ৪ বজাৰ পৰা ৫ বজালৈ মুখ্যমন্ত্ৰীৰ সভাপতিত্বত স্বাস্থ্য বিভাগৰ লগতে কেইবাটাও বিভাগৰ সৈতে হোৱা বৈঠকত ক'ভিডৰ নতুন নীতি-নিৰ্দেশনা সন্দৰ্ভত এক আলোচনাত মিলিত হয়। ৰাজ্যৰ সকলো উপায়ুক্ত আৰু আৰক্ষী অধীক্ষকৰ লগত আলোচনা কৰি কিছু নতুন নীতি-নিৰ্দেশনা প্ৰস্তুত কৰে।
অহা সোমবাৰৰ পৰা প্ৰযোজ্য হ'বলগীয়া এই নিৰ্দেশনা অনুসৰি ৪ খন জিলাত বিগত সাতদিনত অসমৰ সকলো অঞ্চলত পৰ্যালোচনা কৰিহে নিৰ্ধাৰণ কৰিছে নিৰ্দেশনা৷ ২৪৭ টা অঞ্চলত সংক্ৰমণ বৃদ্ধি হৈছে।জিলাভিত্তিক পৰ্যালোচনা কৰা হৈছে৷ বিশ্বনাথ, মৰিগাঁও, গোৱালপাৰা জিলা সোমবাৰৰ পৰা সম্পূৰ্ণৰূপে কন্টেইনমেন্ট জ'ন ঘোষণা৷ গোলাঘাট জিলাৰ বোকাখাত মহকুমাত সম্পূৰ্ণৰূপে কন্টেইনমেন্ট জ'ন।
সেই অঞ্চলসমূহত অত্যাৱশ্যকীয় সেৱা মুকলি থাকিব৷ গেলামালৰ দোকান সন্ধিয়া ৫ বজালৈ খোলা থাকিব। শাক-পাচলিৰ দোকান বহিব পাৰিব দোকানৰ সন্মুখত৷ ইপিনে গুৱাহাটীৰ ক্ষেত্ৰত সান্ধ্য আইন সন্ধিয়া ৪বজাৰ পৰা আৰম্ভ হ'ব৷ ৩ বজালৈকে দোকান-পোহাৰ খোলা ৰাখিব পাৰিব৷ হাইলাকান্দি জিলাত ৪ বজালৈ খোলা থাকিব আৰু বাকীখিনি জিলাকেইখনত ১২ বজালৈ খোলা থাকিব৷ অৱশ্যে আন্তঃজিলা যোগাযোগ বন্ধ থাকিব এসপ্তাহলৈকে৷
আনহাতে, মেগা ভেকচিনেচন বিগত তিনিটা দিনত ৯ লাখ ৮৪ হেজাৰ জন ব্যক্তিক প্ৰদান কৰা হৈছে৷ প্ৰতিদিনে ডেৰ লাখ ভোকচিন পাই আছে কেন্দ্ৰীয় চৰকাৰৰ পৰা৷ যিসকলে এটাকৈ ভেকচিন লৈছে তেওঁলোক কাৰ্যালযয়লৈ আহিব লাগিব৷ অৱশ্যে ৫ বছৰৰ তলৰ সন্তান থকা আৰু গৰ্ভৱতী মহিলাই ঘৰৰ পৰা কাম কৰিব লাগিব৷ প্ৰথম শ্ৰেণীৰ কৰ্মচাৰীৰ ক্ষেত্ৰত ভেকচিন ল'বলৈ আহ্বান জনাইছে৷
Leave A Comment