স্বাধীনতা দিৱস উদযাপনক লৈ চৰকাৰৰ নতুন নিৰ্দেশনা

• Image Credit: Internet

• Aug 13, 2021 | moderator

গুৱাহাটী : সমাগত স্বাধীনতা দিৱস৷ স্বাধীনতা দিৱসক লৈ দেশত নাই পূৰ্বৰ দৰে উৎসাহ-উদ্দীপনা৷ ক'ভিডসৃষ্ট পৰিবেশৰ মাজতেই উদযাপন হ'ব ৭৫সংখ্যক স্বাধীনতা দিৱস৷ এই সন্দৰ্ভত ৰাজ্য চৰকাৰে আজি জাৰি কৰে নতুন নিৰ্দেশনা৷ এই নীতি-নিৰ্দেশনা এনেধৰণৰ- ৰাজ্যিক ভিত্তিত স্বাধীনতা দিৱসৰ কাৰ্যসূচীত উপস্থিতি থাকিব পাৰিব ১,৫০০জন ব্যক্তি৷

জিলা ভিত্তিক কাৰ্যসূচীত ৫০০ লোকক অংশ লোৱাৰ অনুমতি চৰকাৰৰ৷ মহকুমা ভিত্তিত কাৰ্যসূচীত ৩০০ লোকক অনুমতি প্ৰদান৷ স্থানীয়ভাৱে আয়োজিত কাৰ্যসূচীত ২০০ লোক উপস্থিত থকাৰ অনুমতি প্ৰদান কৰা হৈছে৷ প্ৰেক্ষাগৃহত ৫০ শতাংশ লোক উপস্থিত থাকিব পাৰিব৷

উপস্থিত থকা প্ৰত্যেক জন ব্যক্তিয়ে মাস্ক পৰিধান কৰা, সামাজিক দূৰত্ব বৰ্তাই ৰখা, ছেনিটাইজেচন কৰাটো বাধ্যতামূলক কৰা হৈছে৷