• Image Credit: Internet

• Sep 3, 2021 | Deleted

গুৱাহাটী: ৰাজ্যজুৰি কৰ’নাৰ সংক্ৰমণ অব্যাহত আছে৷ প্ৰতিদিনে কৰ'না ভাইৰাছত আক্ৰান্ত হৈছে বহুজন৷ কিন্তু তাৰ মাজতে অসমত ক’ভিড পৰিস্থিতি আগতকৈ সুস্থ হোৱা পৰিলক্ষিত হৈছে৷ বিগত ২৪ ঘণ্টাত ৰাজ্যত আক্ৰান্ত হয় ৫৫৪ জন লোক৷

কালিৰ দিনটোত ৮৪,২৪৬ জনৰ দেহত ক'ভিড টেষ্ট কৰা হৈছিল৷ তাৰ ভিতৰত কামৰূপ মহানগৰত ১৫৭ জনৰ দেহত ধৰা পৰে ক’ভিডৰ উপস্থিতি৷ তাৰ বিপৰীতে গোলাঘাটত ৬০ জন, যোৰহাটত ৪০ আৰু লখিমপুৰত ২৪ জন লোক আক্ৰান্ত হয় কৰ'না ভাইৰাছত৷

বৃহস্পতিবাৰৰ দিনটোত ৰাজ্যত ক'ভিডত আক্ৰান্ত হৈ মৃত্যুমুখত পৰে ৬জন৷ বৰ্তমানেও চিকিৎসাধীন হৈ আছে ৫,৪২৪জন লোক, তাৰ বিপৰীতে আৰোগ্যলাভ কৰিছে ৫৬৭ জনে।