লোমহৰ্ষক হত্যাকাণ্ড! বাইকৰ চাবিৰে হানি-খুঁচি হত্যা এজন কিশোৰক

ঘটনা অনুসৰি, ৰৌতাৰ ফাঁকিদিয়া গাঁৱৰ দুজন কিশোৰ ক্ৰমে মৃত প্ৰণৱ বিশ্বাস(১৭) আৰু অভিযুক্ত বিকাশ দে'(১৬) যোৱা ২৯ মাৰ্চত গাঁৱৰ ফুটবল খেলক লৈ কিবা কথাত দুই বন্ধুৰ মাজত হৈছিল সামান্য বাক-বিতণ্ডা |  পিছদিনা ৩০ মাৰ্চত সেই সামান্য ঘটনাৰে পোতক তুলিবলৈ গৈ অভিযুক্ত বিকাশ দে' নিজৰ দেউতাকৰ বাইকৰ চাবিৰে প্ৰণৱৰ মুৰত হানি-খুঁচি আক্ৰমণ চলায় | 

ঘটনাৰ পাছতেই মুমূর্ষ অৱস্থাত প্ৰণৱক লৈ যোৱা হৈছিল তেজপুৰস্থিত টাইমছ হাস্পতালত | পৰৱৰ্তী সময়ত সংকটজনক অৱস্থাত ৩১ মাৰ্চত GMCH লৈ গৈ থকা অৱস্থাত আদবাটতেই মৃত্যু হয় প্ৰণৱ বিশ্বাসৰ(১৭) | মৃত প্ৰণৱৰ বাসগৃহত মৃতদেহ লৈ অহা অৱস্থাত বিৰাজ কৰে শোকাকুল পৰিৱেশৰ | ইতিমধ্যে অভিযুক্ত বিকাশ দে'(১৬) ক আটক কৰি সোধা-পোচা অব্যাহত ৰাখিছে ৰৌতা আৰক্ষীয়ে | 

এনে লোমহৰ্ষক ঘটনাৰ পাছতেই এতিয়া অভিযুক্ত বিকাশ দে'ৰ পিতৃ জীৱন দে'কো গ্ৰেপ্তাৰৰ দাবী জনাইছে ৰাইজে | ১৮ বছৰ নোহোৱা লৰা এটাক নিজৰ বাইকখন কি কাৰণে চলাবলৈ এৰি দিছিল পিতৃয়ে? প্রশ্ন ৰাইজৰ| ১৮ বছৰ সম্পূর্ণ নোহোৱা নিজৰ পুত্রক পিতৃয়ে বাইক এৰি দিয়াৰ পাছতেই সেই বাইকৰ চাবিৰে হানি-খুঁচি হত্যা কৰা ঘটনাই অঞ্চলজুৰি সৃষ্টি কৰিছে তীব্ৰ চাঞ্চল্যৰ |