ডিজিটেল ডেস্ক : গাড়ী বিক্ৰী কৰিম বুলি সৰকালে ৬০ হাজাৰ টকা। ভুক্তভোগীয়ে দাখিল কৰিলে বৰপেটা সদৰ থানাত এজাহাৰ।
বৰপেটা মাছকুছিৰ ছাদ্দাম আলি আৰু মমিনুল আলিয়ে গাড়ী বিক্ৰী কৰিম বুলি সৰকালে ৬০ হাজাৰ টকা। ধৃত ছাদ্দাম আলি আৰু মমিনুল আলিয়ে হাজো চৰাবৰীৰ ৰফিকুল ইছলামৰ পৰা AS-25-DC-1004 নম্বৰৰ বলেৰো পিক আপ বাহন খন বিক্ৰী কৰিম বুলি আগধন হিচাপে ৬০ হাজাৰ টকা লৈছিল।
টকা লৈ প্ৰায় এবছৰ ধৰি গাড়ী ও নিদিয়া আৰু টকাও ঘুৰাই নিদিয়াৰ অভিযোগ উত্থাপন কৰিছে ভূক্তভোগী ৰফিকুল ইছলামে। ৰফিকুল ইছলাম, তেওঁৰ পত্নী আৰু পৰিয়ালৰ লোকে টকা বিচাৰি যোৱাত ছাদ্দাম আলি,মমিনুল আলি,ৰমজান আলি আৰু জফাই তেওঁলোকক মাৰধৰ কৰাৰ অভিযোগ কৰে।
উক্ত ঘটনা সন্দৰ্ভত শনিবাৰে ৰফিকুল ইছলামে বৰপেটা সদৰ থানাত এজাহাৰ দাখিল কৰাৰ লগতে অপৰাধী কেইজনক আইনৰ আওতাত আনি শাস্তি বিহিবলৈ দাবী জনায়।
Leave A Comment