বৰাক- ব্ৰহ্মপুত্ৰ - পাহাৰ- ভৈয়ামৰ সৰ্বত্ৰ উন্নয়ন হৈছে, ১২ খনকৈ আসনত বিজেপিৰ জয় নিশ্চিত,দাবী কৰিলে প্ৰাক্তন মুখ্যমন্ত্ৰী সৰ্বানন্দ সোণোৱালে

শিলচৰত কেন্দ্ৰীয় মন্ত্ৰী সোণোৱালে এখন  সংবাদ মেল সম্বোধন কৰি কয় ,দেশত উন্নয়নৰ বতাহ বৈছে।  ৷প্ৰধানমন্ত্ৰী নৰেন্দ্ৰ মোদীৰ নেতৃত্বত  ভাৰত বিশ্বৰ শ্ৰেষ্ঠ দেশ  পৰিগণিত হোৱাৰ দিশে আগবাঢ়িছে। কেন্দ্ৰীয় মন্ত্ৰী গৰাকীয়ে  লগতে কয়, অসম ক্ৰমে   উন্নত ৰাজ্য  হোৱাৰ দিশে অগ্ৰসৰ  হৈছে। বৰাক- ব্ৰহ্মপুত্ৰ - পাহাৰ- ভৈয়ামৰ সৰ্বত্ৰ উন্নয়ন হৈছে। 

যোগাযোগ ব্যবস্থা , বাট পথ সকলোতে উন্নতি হৈছে বুলিও তেওঁ কয়  ৷বৰাক উপত্যকাত আমুল পৰিবৰ্তন হৈছে বুলি উল্লেখ কৰি সোণোৱালে কয় -ৰাজ্যৰ মুখ্যমন্ত্ৰীৰ দায়িত্ব লোৱাৰ সময়ত বৰাকত বাট পথৰ  অৱস্থা তথৈবচ  আছিল ৷বৰ্তমান সৰ্বত্ৰ পথ নিৰ্মাণ  হৈছে ৷ বৰাক নৈক আন্তঃৰাষ্ট্ৰীয় জলপথ হিচাবে নিৰ্ধাৰণ  কৰা হৈছে ৷ খুবসোনাকালে যাত্ৰীবাহী, মালাবাহী জাহাজ চলিব বৰাক নৈৰে ৷বৰাক নৈৰ খনন কাৰ্যও অব্যাহত থাকিব বুলি কয়  কেন্দ্ৰীয়মন্ত্ৰী গৰাকীয়ে ৷