ডিজিটেল ডেস্কঃ দেৰগাঁৱত সংঘটিত হৈছে এক শোকাৱহ পথ দুৰ্ঘটনা। শুকুৰবাৰে নিশা সংঘটিত হৈছে পথ দুৰ্ঘটনাটি।
এই দুৰ্ঘটনাটোত এজন বাইক আৰোহী নিহত হয়। দেৰগাঁও গোলাঘাট সংযোগী পথৰ নাৰিকলগুৰি পেট্ৰ'ল পাম্পৰ সমীপত সংঘটিত হয় এই দুৰ্ঘটনাটো।
একে দিশেৰে আহি থকা AS05-X-3562 আৰু AS05-U- 2840 নম্বৰৰ বাইক দুখনৰ মাজত হোৱা সংঘৰ্ষৰ ফলতেই সংঘটিত হয় এই ভয়ংকৰ দুৰ্ঘটনা।
দুখন বাইকত অহা তিনিজন আৰোহীয়েই গুৰুতৰভাৱে আহত হয় এই দুৰ্ঘটনাটোৰ ফলত। ততাতৈয়াকৈ তিনিওকে দেৰগাঁৱৰ চিকিৎসালয়ত ভৰ্তি কৰোৱা হয় এজনৰ মৃত্যু হয়।
ৰাংঢালীৰ নিৱাসী পাৰ্থ দাস নামৰ যুৱকজনৰ চিকিৎসালয়ত মৃত্যু হয়। যুৱকজনৰ বয়স আছিল ২৩ বছৰ।
চিকিৎসাধীন অৱস্থাত থকা যুৱকদুজনৰ নাম শুভম ঘোষ(২৪) আৰু সুমন নেওগ(২১)।
ঘটনাটোৱে সমগ্ৰ অঞ্চলজুৰি গভীৰ শোকৰ ছাঁ পেলাইছে।
Leave A Comment