ডিজিটেল ডেস্কঃ চিলাপথাৰত সংঘটিত হৈছে এক ভয়ংকৰ পথ দুৰ্ঘটনা৷ দুৰ্ঘটনাত পতিত হ’ল হাইস্কুল শিক্ষান্ত পৰীক্ষাৰ পৰীক্ষাৰ্থী কঢ়িওৱা এখন অট’৷ ১০ গৰাকীকৈ ছাত্ৰ-ছাত্ৰী চিলাপথাৰৰ দেবেন্দ্ৰ নগৰ, মাজৰবাৰীৰ পৰা চিমেনমুখ ট্ৰাইবেল উচ্চতৰ মাধ্যমিক বিদ্যালয় গৈ আছিল অ’ট ৰিক্সাখনৰে৷ পৰীক্ষা দিবলৈ ঘৰৰ পৰা ওলাই অহা শিক্ষাৰ্থী এতিয়া হাস্পতালত চিকিৎসাধীন৷
সংকটজনক অৱস্থাত ডিব্ৰুগড়লৈ প্ৰেৰণ দুগৰাকীক৷ বৰ্তমান সংকটমুক্ত যদিও চিকিৎসাধীন হৈ আছে অন্য ৬জন আঘাতপ্ৰাপ্ত৷ বিনা দাস নামৰ এগৰাকী ছাত্ৰীৰ অৱস্থা সংকটজনক বুলি জানিব পৰা গৈছে৷ ইপিনে, নাতিনীয়েকৰ দুৰ্ঘটনাৰ খবৰ ল’বলৈ গৈ দুৰ্ঘটনাত পতিত হ’ল ককাদেউতাক৷
কোনোমতে, ১০ গৰাকী পৰীক্ষাৰ্থীৰ ৮ গৰাকী অৱতীৰ্ণ হ’ল পৰীক্ষাত৷ পৰীক্ষাত অৱৰ্তীণ হ’ব নোৱাৰা প্ৰাৰ্থীৰ বাবে উপযুক্ত ব্যৱস্থা কৰি দিবলৈ শিক্ষামন্ত্ৰীক দাবী অভিভাৱকৰ৷
Leave A Comment