বাঘৰ ছাল, হাড়সহ হাতে-লুটে গ্ৰেপ্তাৰ চোৰাং সৰবৰাহকাৰী

ধৃত যুৱকজন মৰাণৰ হুংহুঙীয়া গাঁৱৰ মাধুৰ্য সোনোৱাল৷ শুল্ক বিভাগৰ দলটোৱে যুৱকজনক বাঘৰ শুকান ছাল আৰু ৭৩ টুকুৰা হাড়সহ বন বিভাগক চমজাই দিয়ে৷ ধৃত মাধুৰ্য সোনোৱালে খোৱাং নাহৰণিৰ পংকজ বৰুৱা নামৰ আন এজন যুৱকৰ সৈতে সামগ্ৰীখিনি বিক্ৰী কৰিবলৈ আহোঁতেই শুল্ক বিভাগৰ জালত বন্দী হয়৷ 

মূল অভিযুক্ত পংকজ বৰুৱাই ঘটনাস্থলীৰ পৰা পলায়ন কৰে৷ উল্লেখ্য পলাতক পংকজ বৰুৱাই নিজৰ বাৰীত নিজাকৈ পিঞ্জৰা সাজি কেইবাটাও বাঘ পিঞ্জৰাবদ্ধ কৰিবলৈ সক্ষম হৈছিল৷ এনেদৰে পিঞ্জৰাবদ্ধ বাঘ হত্যা কৰি বাঘৰ ছাল-হাড়ৰ চোৰাং সৰবৰাহৰ পৰিকল্পনা কৰা বুলি সন্দেহ প্ৰকাশ কৰিছে বন বিভাগে৷ পলাতক পংকজ বৰুৱাৰ সন্ধানত বন বিভাগে অভিযান অব্যাহত ৰাখিছে৷