মানাহ ৰাষ্ট্ৰীয় উদ্যানত বিশ্ব গঁ‌ড় দিৱস; সুৰক্ষিত আছে নে মানাহৰ গঁ‌ড়কেইটা?

বিশ্ব গঁ‌ড় দিৱসৰ লগত সংগতি ৰাখি মানাহ কৰ্তৃপক্ষ, WWF, আৰণ্যক, জীপ চাফাৰী সন্থা, WTI, MEWS আৰু বন বিভাগৰ উদ্যোগত মানাহত সজাগতামূলক চাইকেল ৰেলী উলিওৱা হৈছে৷ মানাহ ব্যাঘ্ৰ প্ৰকল্পৰ ক্ষেত্ৰ সঞ্চালক ডঃ চি ৰমেশে ফ্লেগ অফ কৰি চাইকেল ৰেলীৰ শুভাৰম্ভ কৰে৷ স্থানীয় ৰাইজৰ উৎসাহ জনক অংশগ্ৰহণ পৰিলক্ষিত হৈছিল। ৰেলীৰ পাছত, ভূইঞাপাৰা ৰেঞ্জতো এখন সজাগতা সভা অনুষ্ঠিত কৰা হৈছিল, এই সভাত গঁড়ৰ সুৰক্ষা, জনসংখ্যা বৃদ্ধি তথা বাসস্থান সংৰক্ষণৰ ওপৰত গুৰুত্বপূৰ্ণ আলোচনা হয়৷

ডঃ চি. ৰমেশ, মানাহ ৰাষ্ট্ৰীয় উদ্যানৰ ক্ষেত্ৰ সঞ্চালক, উদ্যানৰ গঁড় সংৰক্ষণৰ প্ৰচেষ্টাৰ ওপৰত আলোকপাত কৰি কয় যে সম্প্ৰতি মানাহ ৰাষ্ট্ৰীয় উদ্যানত আন আন জীৱ জন্তুৰ সংখ্যা বৃদ্ধি হোৱাৰ লগতে ৫০ টালৈ বৃদ্ধি হৈছে৷ বিভিন্ন ক্ষেত্ৰৰ সহযোগিতাৰ প্ৰয়োজনীয়তা কথা উল্লেখ কৰি সংৰক্ষণ কাৰ্যসূচীসমূহৰ সফলতাৰ ওপৰত আলোকপাত কৰে সঞ্চালকগৰাকীয়ে৷

উল্লেখযোগ্য যে ‘Keep the Five Alive’ অৰ্থাত গঁড়ৰ পাঁচোটা প্ৰজাতি জীয়াই ৰখাৰ উদ্দেশ্য আগত ৰাখি প্ৰতি বছৰে ২২ ছেপ্টেম্বৰত বিশ্ব গঁড় দিৱস পালন কৰি অহা হৈছে৷