ডিজিটেল ডেস্কঃ অৱশেষত জয়লাভ কৰে মুম্বাই ইণ্ডিয়ানছ। আই পি এলত প্ৰথমটো জয় লাভ কৰে হাৰ্দিক পাণ্ডিয়াই। ঘৰুৱা ক্ষেত্ৰত দিল্লী কেপিটেলছক পৰাস্ত কৰে। প্ৰথমে বেটিং কৰি মুম্বাইয়ে বেটছমেনৰ প্ৰভাৱত ২৩৪ ৰান সংগ্ৰহ কৰে। সেই ৰান খেদিব নোৱাৰিলে ঋষভ পণ্টবাহিনীয়ে। কলকাতাৰ পাছত এইবাৰ মুম্বাইৰ হাতত পৰাস্ত হোৱাৰ পাছত চাপত পৰিছে সৌৰভ গংগোপাধ্যায়ৰ দিল্লী।
দিল্লীৰ অধিনায়ক পন্থে টছত জয়লাভ কৰি প্ৰথমে বলিং কৰাৰ সিদ্ধান্ত লয়। কিন্তু আশা কৰা ধৰণে আৰম্ভণি কৰিব নোৱাৰিলে দিল্লীৰ বলাৰসকলে। পাৱাৰ প্লে’ত ৰোহিত আৰু ঈশানৰ মাজত অগ্নিময় মেজাজ আছিল। ডাঙৰ ডাঙৰ শ্বট খেলিছিল। পাৱাৰ প্লে’ত ৭৫ ৰান সংগ্ৰহ কৰে। কিন্তু ৰোহিতৰ অৰ্ধশতিক নহ’ল। অক্ষৰ পেটেলৰ ২৭টা বলত ৪৯ ৰান সংগ্ৰহ কৰি আউট হয় ৰোহিতে। তেওঁ ছটা চাৰি আৰু তিনিটা ছয় কৰে।
সূৰ্যকুমাৰ যাদৱে আঘাতৰ পৰা সুস্থ হৈ বহুদিনৰ অন্তত খেললৈ উভতি আহে। কিন্তু ৰিটাৰ্ণত তেওঁ এটা ৰান নাপালে। দুটা বল খেলি শূন্য ৰাণৰ বাবে আউট হয়। ৰোহিতৰ আউটৰ পিছত ঈশানে দ্ৰুতগতিত ৰান সংগ্ৰহৰ দায়িত্ব লয়। ২৩টা বলত ৪২ ৰান সংগ্ৰহ কৰে৷
হাৰ্দিকে ভাল আৰম্ভণি কৰিছিল যদিও মিডল অভাৰত দ্ৰুত দৌৰিব নোৱাৰিলে। তিলক ভাৰ্মাও ৬ ৰানত আউট হয়। এটা সময়ত এনে লাগিছিল যে মুম্বাইয়ে ২০০ ৰান কৰিবলৈ অসুবিধা পাব। ৩৩টা বলত ৩৯ ৰান কৰি আউট হয় হাৰ্দিক।
ডেভিদ আৰু শ্বেফাৰ্ডৰ বেটিং বিক্ৰমেৰে চাৰি অভাৰত মুম্বাইয়ে ৮৪ ৰান সংগ্ৰহ কৰে। দুয়োজন বেটছমেনে ডাঙৰ ডাঙৰ শ্বট খেলিছিল। ডেভিদে ২১টা বলত ৪২ ৰান কৰি অপৰাজিত হৈ থাকে। শ্বেফাৰ্ডে গোটেই লাষ্ট অভাৰটো খেলিলে। তেওঁ এনৰিচ ন’খীৰ ওপৰত চাৰিটা ছয় আৰু দুটা চাৰি ৰান কৰে। শেষৰ অভাৰত ৩২ ৰান আহিছিল। শ্বেফাৰ্ডৰ বেটেৰে মুম্বাইয়ে ২০ অভাৰত ৫ উইকেটত ২৩৪ ৰান সংগ্ৰহ কৰে। ৱেষ্ট ইণ্ডিজৰ অল-ৰাউণ্ডাৰগৰাকীয়ে ১০টা বলত ৩৯ ৰান সংগ্ৰহ কৰি অপৰাজিত হৈ আছে।
২৩৫ ৰান খেদি খেদি দিল্লীয়ে আৰম্ভণিতে ডেভিদ ৱাৰ্নাৰৰ উইকেট হেৰুৱাইছিল। ১০ ৰানৰ পিছত শ্বেফাৰ্ডে তেওঁক আউট কৰে। পৃথ্বী শ্ব’ আৰু অভিষেক পৰ্ডেলে দ্বিতীয় উইকেটৰ বাবে দলটো টানি আনে। বেগেৰে দৌৰি গৈ আছিল। কিন্তু ২৩৫ ৰান খেদিবলৈ তেওঁলোকে যিমান বেটিং কৰিব লাগিছিল সিমান বেটিং কৰিব নোৱাৰিলে। পৃথ্বীয়ে অৰ্ধ শতক অৰ্জন কৰে। যশপ্ৰীত বুমৰাহে ৬৬ ৰানত আউট কৰে। বুমৰাহেও অভিষেকক আউট কৰিলে। তেওঁ ৪১ ৰান সংগ্ৰহ কৰে।
যোৱা পাঁচ অভাৰত জয়ী হ’বলৈ দিল্লীক ৯০ ৰানৰ প্ৰয়োজন হৈছিল। ট্ৰিষ্টান ষ্টাবছে এফালে ধুমুহাময় ইনিংছ খেলি আছিল। পূৰ্বৰ মেচখনৰ পিছত এই মেচতো তেওঁ দৃষ্টি আকৰ্ষণ কৰিছিল। কিন্তু জৰুৰী ৰানৰেট ক্ৰমাগতভাৱে বৃদ্ধি পাইছিল। হেঁচাত পৰি পন্থে ১ ৰাণত আউট হয়। ষ্টাবছে অকলে যুঁজিও তেওঁ দলটো জিকিব পৰা নাছিল। ফিনিছাৰৰ অভাৱত আকৌ এবাৰ ভুগিবলগীয়া হ’ল দিল্লী।
শেষত ২০ অভাৰত ৮ উইকেটত ২০৫ ৰান সংগ্ৰহ কৰি দিল্লীৰ ইনিংছ সমাপ্ত হয়। ২৫টা বলত ৭১ ৰান কৰি অপৰাজিত হৈ থাকে ষ্টাবছে। মুম্বাইয়ে ২৯ ৰানত জয়লাভ কৰে।
Leave A Comment