টি২০ বিশ্বকাপঃ ব্যক্তিগত বেগ হেৰুৱালে অষ্ট্ৰেলিয়াৰ অধিনায়ক পেট কামিন্সে, বিমান দেৰী কৰিলে ষ্টাৰ্ক, মেস্কৱেলে

আই পি এলৰ ফাইনেল খেলাৰ পিছতে দলটোত যোগদান কৰে কামিন্সে। কিন্তু ছিডনীৰ পৰা ৱেষ্ট ইণ্ডিজলৈ যোৱাৰ পথত তেওঁ অতিৰিক্ত দুদিন অপেক্ষা কৰিবলগীয়া হৈছিল। কামিন্সৰ পত্নী বেকীয়ে কয় যে তেওঁলোকৰ বেগবোৰ বাটত হেৰাই গৈছিল। সেইবাবেই দেৰি হৈছে। কামিন্সে এতিয়াও বেগটো ঘূৰাই পোৱা নাই।

আনহাতে ষ্টাৰ্ক আৰু মেক্সৱেলে আমেৰিকাৰ পৰা ৱেষ্ট ইণ্ডিজলৈ বিমান পলম কৰিছে। ফলত তেওঁলোকে এৰাতি লছ এঞ্জেলছত আৰু এৰাতি মিয়ামীত কটাবলগীয়া হ’ল। ইয়াৰ পিছত দুজন ক্ৰিকেটাৰ বাৰ্বাডোছত উপস্থিত হয়। আন এজন ক্ৰিকেটাৰ মাৰ্কাছ ষ্টোইনিছৰ কিট পলমকৈ আহি পালেহি। ফলত ৱেষ্ট ইণ্ডিজৰ বিৰুদ্ধে ৱাৰ্ম আপ মেচত খেলিব নোৱাৰিলে।

বিশ্বকাপ আৰম্ভ হোৱাৰ পূৰ্বে একেলগে সময় কটাবলগীয়া হৈছে অষ্ট্ৰেলিয়াৰ ক্ৰিকেটাৰসকলে। এই পৰিপ্ৰেক্ষিতত দলটোৰ স্পিনাৰ এষ্টন আগৰে কয় - ‘‘আই পি এলত বহুতে খেলিছে। দুদিন ঘৰত থাকিব নোৱাৰিলে। গতিকে আমি সকলোৱে একেলগে সময় কটাওঁ। ৱেষ্ট ইণ্ডিজ বৰ ধুনীয়া। মনটোক ভাল কৰি তোলে। বিশ্বকাপৰ পূৰ্বে নিজকে মানসিকভাৱে শক্তিশালী কৰাৰ চেষ্টা কৰা।"