অনিশ্চয়তাত চেম্পিয়নছ ট্ৰফীত ভাৰতৰ আংশগ্ৰহণ; পিচিবিৰ অটল স্থিতি স্বীকাৰ নকৰে 'হাইব্ৰিড’ মডেল

আন্তঃৰাষ্ট্ৰীয় ক্ৰিকেট পৰিষদৰ কাৰ্যবাহী ব’ৰ্ডৰ জৰুৰী বৈঠকতো বহু প্ৰত্যাশিত চেম্পিয়নছ ট্ৰফীৰ সূচী সন্দৰ্ভত একমতত উপনীত হ’ব নোৱাৰিলে  আয়োজক পাকিস্তান আৰু পাকিস্তানে এই অনুষ্ঠান আয়োজন কৰাৰ ‘হাইব্ৰিড’ মডেল পুনৰবাৰ নাকচ কৰাৰ পিছত শনিবাৰে পুনৰ বৈঠক অনুষ্ঠিত হ’ব।

২০২৫ চনৰ সংস্কৰণৰ আইচিচি চেম্পিয়নছ ট্ৰফীৰ বাবে  মুঠ ৮টা দল-ভাৰত, পাকিস্তান, অষ্ট্ৰেলিয়া, ইংলেণ্ড, দক্ষিণ আফ্ৰিকা, নিউজিলেণ্ড, আফগানিস্তান, আৰু বাংলাদেশে  যোগ্যতা অৰ্জন কৰিছে।

উল্লেখযোগ্য যে এই পৰ্যন্ত অনুস্থিত হৈ যোৱা আই চি চি চেম্পিয়নছ ট্ৰফীৰ আটাইকেইটা সংস্কৰণতে ভাৰতে অংশগ্ৰহণ কৰিছে। ২০১৩ চনত এম এছ ধোনীৰ নেতৃত্বত ফাইনেলত ইংলেণ্ডক পৰাস্ত কৰি খিতাপ দখল কৰা মেন ইন ব্লু দলে ২০০২ চনত যৌথ বিজয়ী হিচাপে ঘোষণা কৰা হৈছিল বৰষুণৰ বাবে খেল অনুস্থিত কৰিব নোৱাৰা বাবে। ২০০০ আৰু ২০১৭ চনৰ চেম্পিয়নছ ট্ৰফীৰ ফাইনেলতো ভাৰতে খেলিছিল যদিও খিতাপ দখল কৰিবলৈ সক্ষম হোৱা নাছিল। 

প্ৰসংগক্ৰমে ২০২৩ চনৰ এছিয়া কাপত হাইব্ৰিড মডেল ব্যৱহাৰ কৰা হৈছিল আৰু পাকিস্তান আৰু শ্ৰীলংকাই প্ৰতিযোগিতাখনৰ বাবে আয়োজক হিচাপে খেলিছিল। ইয়াৰে চাৰিখন খেল পাকিস্তানত অনুষ্ঠিত হোৱাৰ বিপৰীতে বাকী ৯খন খেল শ্ৰীলংকাত অনুষ্ঠিত হৈছিল।

আইচিচি চেম্পিয়নছ ট্ৰফীত অংশগ্ৰহণৰ বাবে পাকিস্তান ভ্ৰমণ সন্দৰ্ভত ভাৰতীয় ক্ৰিকেট নিয়ন্ত্ৰণ ব’ৰ্ডে স্পষ্ট কৰি দিছে যে ভাৰত চৰকাৰে অনুমতি দিলেহে দলটোক পাকিস্তানলৈ প্ৰেৰণ কৰিব। দুয়োখন দেশৰ মাজত ৰাজনৈতিক উত্তেজনাক সম্ভাৱ্য কাৰণ হিচাপে চৰকাৰে পাকিস্তান ভ্ৰমণৰ অনুৰোধ নাকচ কৰাৰ সিদ্ধান্ত গ্ৰহণ কৰিছে।