তৃতীয় লিয়ংথাং ছট’কান কাৰাটে চেম্পিয়নশ্বিপ, শ্ৰেষ্ঠ দলৰ সন্মান যোৰহাটৰ ৰেড ড্ৰেগনলৈ

দলটোৱে মুঠ ১২টা সোণৰ পদক লাভ কৰে৷ আনহাতে, গুৱাহাটীৰ ইউনিফাইড কাৰাটে গীল্ড দলে ৮টা সোণৰ পদকসহ ৰাণাৰ্ছ আপ বঁটা লাভ কৰে৷ আনহাতে আয়োজক দল লিয়ংথাং ছট’কান কাৰাটে স্কুল অব্ অসম দলে ৫টা সোণ, ৫টা ৰূপ আৰু ১২টা ব্ৰঞ্জৰ পদক লাভ কৰে৷ প্ৰতিযোগিতাৰ প্ৰথমদিনা ১২ বছৰ বয়সৰপৰা ছিনিয়ৰ কেটেগ’ৰীলৈকে আৰু দ্বিতীয়দিনা ৬ বছৰ অনূৰ্ধ্বৰপৰা ১১ বছৰ বয়সলৈকে বিভিন্ন কেটেগ’ৰীৰ প্ৰতিযোগিতাসমূহ সম্পন্ন হয়৷ প্ৰতিযোগিতাৰ উদ্বোধনী অনুষ্ঠানত বিশিষ্ট অতিথি হিচাপে মেঘালয়ৰ কাৰাটে গুৰু তথা সদৌ মেঘালয় কাৰাটে এছ’চিয়েশ্যনৰ প্ৰাক্তন সাধাৰণ সম্পাদক প্ৰয়াত শ্বিহান ষ্টীফেন লিয়ঙৰ পুত্ৰ ছান লিয়ঙে অংশগ্ৰহণ কৰে৷