দুচকু সেমেকিল মনু ভাকেৰৰ ; অলিম্পিকত দুটাকৈ পদক জয় কৰিও খেলৰত্নৰ বাবে নহ’ল বিবেচিত

সংবাদ মাধ্যমৰ খবৰ অনুসৰি ক্ৰীড়া মন্ত্ৰালয়ৰ চূড়ান্ত তালিকা প্ৰস্তুত কৰা হৈছে। এই তালিকাত মনু ভাকেৰৰ নাম নাই। অৱশ্যে এতিয়ালৈকে ক্ৰীড়া মন্ত্ৰালয়ৰ পৰা কোনো আনুষ্ঠানিক তথ্য অহা নাই। একে সময়তে এতিয়া মনু ভাকেৰৰ বেদনা ফুটি উঠিছে। আচলতে এই খবৰটোৰ পিছত তেওঁ কয়,‘মই বৰ হতাশ হৈছো, মই খেলৰত্ন আশা কৰিছিলোঁ। বঁটা নোপোৱাৰ বাবে দুখী হ’লেও খেলুৱৈ হিচাপে আত্মা সদায় দি যাম । মোৰ সম্পূৰ্ণ মনোযোগ মোৰ লক্ষ্যত থাকিব। ইয়াৰ বাবে মই সদায় উৎসৰ্গিত হৈ থাকিম।’

আচলতে ইয়াৰ আগতেই এটা খবৰ আহিছিল যে চূড়ান্ত তালিকাখনত এতিয়াও সিদ্ধান্ত লোৱা হোৱা নাই। এই সন্দৰ্ভত ক্ৰীড়া মন্ত্ৰী মানসুখ মাণ্ডবিয়াই এদিন বা দুদিন পিছত সিদ্ধান্ত ল’ব আৰু চূড়ান্ত তালিকাত মনুৰ নাম থকাৰ সকলো সম্ভাৱনা আছে। উল্লেখ্য যে মন্ত্ৰালয়ৰ নিয়ম অনুসৰি খেলুৱৈয়েও মনোনয়ন পত্ৰ নিজে পূৰণ কৰিব পাৰে। অৱশ্যে যিবোৰ নাম প্ৰযোজ্য হোৱা নাই সেইবোৰো কমিটীয়ে বিবেচনা কৰিব পাৰে। লগতে মন্ত্ৰালয়ে মনুৱে আৱেদন কৰা নাই বুলি দাবী কৰে যদিও মনু ভাকেৰৰ পিতৃ ৰামকিষণ ভাকেৰে খেলৰত্ন বঁটাৰ বাবে মনু ভাকাৰে আবেদন কৰা বুলি দাবী কৰে।